ନୂଆଦିଲ୍ଲୀ: ଭାରତରେ ଏବେ ତାଣ୍ଡବ ରଚି ଚାଲିଛି କୋରୋନା ଭାଇରସ୍ର ଦ୍ବିତୀୟ ଲହର । ଦକ୍ଷିଣ-ପୂର୍ବ ପୋଲିସ ପାଇଁ ବିଶେଷଜ୍ଞଙ୍କ ପକ୍ଷରୁ ଜାରି କରାଯାଇଥିବା ପରାମର୍ଶ ମୁତାବକ, କୋରୋନାର ଏହି ଦ୍ବିତୀୟ ଲହର ୧୦୦ ଦିନ ପର୍ଯ୍ୟନ୍ତ ରହିପାରେ । ଏହା ସହ ସେ କହିଛନ୍ତି ଯେ, ଯେପର୍ଯ୍ୟନ୍ତ ୭୦ ପ୍ରତିଶତ ଲୋକଙ୍କର ଭାକ୍ସିନେସନ ହେବନାହିଁ ଏବଂ ଲୋକେ ହାର୍ଡ ଇମ୍ୟୁନିଟି ହାସଲ କରିବେ ନାହିଁ, ସେ ପର୍ଯ୍ୟନ୍ତ କୋରୋନାର ଏହି ଲହର ବାରମ୍ବାର ଆସୁଥିବ ।
ବିଶେଷଜ୍ଞ କହିଛନ୍ତି କି ହାର୍ଡ ଇମ୍ୟୁନିଟି, ସଂକ୍ରାମକ ମହାମାରୀ ବିପକ୍ଷରେ ଅପ୍ରତ୍ୟେକ୍ଷ ରୂପେ ରକ୍ଷା କରିଥାଏ । ଏହା ସେତେବେଳେ ହୋଇଥାଏ , ଯେବେ ଲୋକେ ଦୁଇଟି ଟିକା ନେବା ବା ପୁଣି ସଂକ୍ରମଣରୁ ସୁସ୍ଥ ହେବା ପରେ ଏହା ବିପକ୍ଷରେ ଇମ୍ୟୁନିଟି ବିକଶିତ କରିନେଇଥିବେ । ସମୂହର ଏହି ସାମୂହିକ ଇମ୍ୟୁନିଟିକୁ ହିଁ ହାର୍ଡ ଇମ୍ୟୁନିଟି କହିଥାନ୍ତି ।
ତେବେ ପୋଲିସକର୍ମିଙ୍କ ମଧ୍ୟରେ ସଚେତନ ସୃଷ୍ଟି କରିବା ଉଦ୍ଦେଶ୍ୟରେ ଡା. ନୀରଜ କୌଶିକଙ୍କର ପରାମର୍ଶରେ କୁହାଯାଇଛି କି, ନୂଆ ମ୍ୟୁଟେସନରେ ଭାଇରସ୍ର ପ୍ରତିରକ୍ଷା ଓ ଏମିତି କି ଟିକାର ପ୍ରଭାବକୁ ପ୍ରତିହତ କରିବାର କ୍ଷମତା ରହିଛି ।
