ନୂଆଦିଲ୍ଲୀ: ସଂସଦରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଟାର୍ଗଟେ କରିଛନ୍ତି ବିଜେଡି ରାଜ୍ୟସଭା ସାଂସଦ ଡ. ସସ୍ମିତ ପାତ୍ର । ରାଷ୍ଟ୍ରପତିଙ୍କ ଅଭିଭାଷଣର ଧନ୍ୟବାଦ ପ୍ରସ୍ତାବ ଉପରେ ଆଲୋଚନା କରି ସେ କୃଷି ଉପରେ ନିଜର ବକ୍ତବ୍ୟ ରଖିଛନ୍ତି । ସ୍ବାମୀନାଥନ କମିଶନ କଥା ଉଲ୍ଲେଖ କରି ଗତକାଲି କେନ୍ଦ୍ରମନ୍ତ୍ରୀ ବିଜେଡିକୁ କରିଥିବା ପ୍ରଶ୍ନର ଉତ୍ତର ଦେଇଛନ୍ତି ସସ୍ମିତ ପାତ୍ର ।
ଗତକାଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେଡିକୁ ଆକ୍ଷେପ କରିବା ସହ ସ୍ବାମିନାଥନ କମିଶନ ଉପରେ ବିଜେଡି ରଖିଥିବା ମନ୍ତବ୍ୟ ଉପରେ ସସ୍ମିତ କିଛି କହିବାକୁ କହିଥିଲେ । ଯାହାର ଜବାବ ଆଜି ସସ୍ମିତ ପାତ୍ର ଦେଇଛନ୍ତି । ସେ ଗୃହରେ ସ୍ବାମୀନାଥନ କମିଶନଙ୍କ ରିପୋର୍ଟକୁ ସରକାର ଲାଗୁ କରିନଥିବା ଦର୍ଶାଇବା ସହ ରାଜ୍ୟ ସରକାର ବିଧାନସଭାରେ ସର୍ବସମ୍ମତି କ୍ରମେ ଧାନ ଉପରେ ଏମଏସପି 2930 ଟଙ୍କା କରିବାକୁ କହିଥିବା ଗୃହକୁ ଜଣାଇଛନ୍ତି ।
ସ୍ବାମୀନାଥନ କମିଶନ ସି-2 ଉପରେ ଦେଢଗୁଣା ଏମଏସପି ଦେବାକୁ କହିଥିବାବେଳେ ସରକାର ଏ-2ଉପରେ ଦେଇଥିବା ସେ କହିଛନ୍ତି । ଏ-2 ଓ ସି-2 ମଧ୍ୟରେ ପାର୍ଥକ୍ୟ ଦର୍ଶାଇବା ସହ ସେ ସରକାର କିପରି ଏ-2 ଉପରେ ଦେଢଗୁଣା ଦେଇଛନ୍ତି କିନ୍ତୁ ସ୍ବାମୀନାଥନ କମିଶନ ଚାହିଁଥିବା ସି-2 ଉପରେ ଦେଢଗୁଣା ଏମଏସପି ଦେଇନଥିବା ଜଣାଇଛନ୍ତି ।
ଏହାସହ ଓଡିଶା ବିଧାନସଭାରେ କିପରି ସମସ୍ତ ଦଳ ମିଳିମିଶି ଧାନର ଏମଏସପି 2930 ଟଙ୍କା କରିବାକୁ ସଙ୍କଳ୍ପ ପାରିତ କରିଥିଲେ ଓ ଏଥିରେ ବିଜେପି ବିଧାୟକ ମଧ୍ୟ ଥିବା ସେ କହିଛନ୍ତି । ତେଣୁ ସେ ବିଜେପି ବିଧାୟକ ମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ।
