ନୂଆଦିଲ୍ଲୀ: ପଶ୍ଚିମବଙ୍ଗରେ ପଞ୍ଚମ ପର୍ଯ୍ୟାୟ ନିର୍ବାଚନ ପୂର୍ବରୁ ପ୍ରଥମ ଥର ପ୍ରଚାର ମୈଦାନକୁ ଓହ୍ଲାଇବେ କଂଗ୍ରେସ ନେତା ରାହୁଲ ଗାନ୍ଧୀ । ଆଜି ଦୁଇଟି ଜନସଭାକୁ ସମ୍ବୋଧିତ କରିବେ ରାହୁଲ । ପ୍ରଥମ ଟି ଉତ୍ତର ଦିନାଜପୁରର ଗୋଲପୋଖର ଓ ଦ୍ବିତୀୟଟି ଶିବମନ୍ଦିର ବାଜାର ମାଟିଗରେ ।
ମାର୍ଚ୍ଚ 27 ତାରିଖରେ ପଶ୍ଚିମବଙ୍ଗରେ ନିର୍ବାଚନ ଆରମ୍ଭ ହୋଇଛି । ଆଜି ସୁଦ୍ଧା 4 ଟି ପର୍ଯ୍ୟାୟରେ ମତଦାନ ଶେଷ ହୋଇଛି । ଏହି ଚାରୋଟି ନିର୍ବାଚନ ପାଇଁ ରାହୁଲ କୌଣସି ରାଲି କିମ୍ବା ଜନସଭା କରିନଥିଲେ । ଯାହା ବଙ୍ଗଳା ନିର୍ବାଚନର ସବୁଠାରୁ ବଡ ଚର୍ଚ୍ଚାର ବିଷୟ ପାଲଟିଥିଲା । ଆସନ୍ତା 17 ତାରିଖରେ ପଞ୍ଚମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହା ପୂର୍ବରୁ ଆଜି ବଙ୍ଗରେ ରାଲି କରିବେ କଂଗ୍ରେସ ନେତା ।
ଚଳିତ ବର୍ଷ ପଶ୍ଚିମବଙ୍ଗ ବିଧାନସଭା ନିର୍ବାଚନ ଅଷ୍ଟମ ପର୍ଯ୍ୟାୟରେ ଅନୁଷ୍ଠିତ ହେଉଛି । 294ଟି ଆସନରୁ 135 ଟି ଆସନରେ ଭୋଟ ପଡିସାରିଛି । ଏପ୍ରିଲ 17, 22, 26 ଓ 29 ରେ ଆଉ ଚାରୋଟି ପର୍ଯ୍ୟାୟ ନିର୍ବାଚନ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
