ଅଯୋଧ୍ୟା: ଆସନ୍ତା ବର୍ଷ 22 ଜାନୁୟାରୀରେ ଅଯୋଧ୍ୟାର ଭବ୍ୟ ଦିବ୍ୟ ରାମ ମନ୍ଦିରର ହେବ ଉଦଘାଟନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା ରାମ ମନ୍ଦିର ଉଦଘାଟନ ହେବ । 22 ଜାନୁୟାରୀରୁ ଗର୍ଭଗୃହରେ ପୂଜା ପାଇବେ ମର୍ଯ୍ୟାଦା ପୁରୁଷୋତ୍ତମ ଭଗବାନ ରାମଲାଲା । ଏଥିପାଇଁ ପ୍ରସ୍ତୁତି ଜାରି ରହିଛି । ଆଜି ଏନେଇ ଏକ ବଡ ଖବର ଆସିଛି ।
-
श्री राम जन्मभूमि मंदिर - प्रथम तल
— Shri Ram Janmbhoomi Teerth Kshetra (@ShriRamTeerth) September 5, 2023 " class="align-text-top noRightClick twitterSection" data="
Shri Ram Janmabhoomi Mandir - First Floor pic.twitter.com/OUEw7a9xLh
">श्री राम जन्मभूमि मंदिर - प्रथम तल
— Shri Ram Janmbhoomi Teerth Kshetra (@ShriRamTeerth) September 5, 2023
Shri Ram Janmabhoomi Mandir - First Floor pic.twitter.com/OUEw7a9xLhश्री राम जन्मभूमि मंदिर - प्रथम तल
— Shri Ram Janmbhoomi Teerth Kshetra (@ShriRamTeerth) September 5, 2023
Shri Ram Janmabhoomi Mandir - First Floor pic.twitter.com/OUEw7a9xLh
ଏହାବି ପଢନ୍ତୁ- Ayodhya Ram Mandir: ଜାନୁୟାରୀରେ ରାମଲାଲାଙ୍କ ପ୍ରାଣ ପ୍ରତିଷ୍ଠା, ଦେଶବ୍ୟାପୀ କାର୍ଯ୍ୟକ୍ରମ
ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ମିଳିଥିବା ସୂଚନା ଅନୁସାରେ 22 ଜାନୁୟାରୀ 2024 ରେ ପ୍ରଧାନମନ୍ତ୍ରୀ ମୋଦିଙ୍କ ଅଯୋଧ୍ୟା ଆଗମନ ହେବ । ଏହି ଦିନ ମନ୍ଦିରର ଉଦଘାଟନ ହେବ । ଉଦଘାଟନ ଏକ ସପ୍ତାହ ପୂର୍ବରୁ ରୀତିନୀତି ଅନୁଯାୟୀ ପୂଜାପାଠ, ହୋମ ଯଜ୍ଞ ଚାଲିବ । ଯାହା ମନ୍ଦିର ଉଦଘାଟନର ପରବର୍ତ୍ତୀ ଏକ ସପ୍ତାହ ପର୍ଯ୍ୟନ୍ତ ଚାଲିବ । ସନାତନ ଧର୍ମ ସଂସ୍କୃତି ବିଦ୍ଧି ମୁତାବକ ମନ୍ଦିର ପ୍ରତିଷ୍ଠା ହେବା ସହିତ ଉଦଘାଟନ କରାଯିବ । ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବରେ ସାମିଲ ହେବା ପାଇଁ ଦେଶବ୍ୟାପୀ ଥିବା ମଠ ମନ୍ଦିରର ସାଧୁ ସନ୍ଥଙ୍କୁ ମନ୍ଦିର ଟ୍ରଷ୍ଟ ପକ୍ଷରୁ ନିମନ୍ତ୍ରଣ କରାଯିବ । ଏତତ ବ୍ୟତୀତ ଚାରିଧାମର ଜଗତଗୁରୁ ଶଙ୍କରାଚାର୍ଯ୍ୟଙ୍କୁ ମଧ୍ୟ ବିଶେଷ ଭାବେ ନିମନ୍ତ୍ରଣ କରାଯିବ । ପ୍ରାୟ 50 ହଜାରରୁ ଅଧିକ ସାଧୁ ସନ୍ଥଙ୍କୁ ଅଯୋଧ୍ୟା ଆଣିବାକୁ ବ୍ୟବସ୍ଥା କରାଯିବ । ସମସ୍ତ ସାଧୁ ସନ୍ଥଗଣ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବରେ ଉପସ୍ଥିତ ରହିବେ । ଏତତ ବ୍ୟତୀତ ଦୈନିକ ପ୍ରାୟ 25 ହଜାର ସାଧାରଣ ଭକ୍ତଙ୍କ ଭୋଜନ ଓ ଆଶ୍ରୟ ପାଇଁ ମଧ୍ୟ ଟ୍ରଷ୍ଟ ବର୍ଡ ନିଶୁଲ୍କ ବ୍ୟବସ୍ଥା କରିବାକୁ ଯାଉଛି ।
ଏହାବି ପଢନ୍ତୁ- Ram Mandir Inauguration: ଭକ୍ତଙ୍କ ପାଇଁ ନିର୍ମାଣ ହେବ ଟେଣ୍ଟ ସିଟି, ମିଳିବ ନିଶୁଲ୍କ ସେବା
ଏତତ ବ୍ୟତୀତ ମନ୍ଦିର ପ୍ରତିଷ୍ଠା ଉତ୍ସବରେ ସାମିଲ ହେବା ପାଇଁ ଟ୍ରଷ୍ଟ ପକ୍ଷରୁ ଦେଶର ବହୁ ବିଶିଷ୍ଟ ବ୍ୟକ୍ତିଙ୍କୁ ମଧ୍ୟ ନିମନ୍ତ୍ରଣ କରାଯିବ । ଏହାବାଦ କିଛି ବିଦେଶୀ ଅତିଥୀଙ୍କୁ ମଧ୍ୟ ନିମନ୍ତ୍ରଣ ହେବ । ସେପଟେ ରାମ ମନ୍ଦିର ନିର୍ମାଣ ଯୋରଦାର ଆଗେଇ ଚାଲିଛି । ବର୍ତ୍ତମାନ ସୁଦ୍ଧା ମନ୍ଦିରର ତଳ ମହଲା ନିର୍ମାଣ କାମ ସମ୍ପୂର୍ଣ୍ଣ ଶେଷ ହୋଇଥିବା ବେଳେ, କେବଳ ଶେଷ ସ୍ପର୍ଶ ଦେବାକୁ ବାକି ଅଛି । ଉପର ମହଲା ନିର୍ମାଣ କାମ ଦ୍ରୁତଗତିରେ ଆଗେଇ ଚାଲିଛି । ବିଭିନ୍ନ ସମୟରେ ଯାହାର ଫଟୋ ମଧ୍ୟ ଆସୁଛି ।
ସୂଚନାଯୋଗ୍ୟ ଯେ ପୂର୍ବରୁ ରାମ ମନ୍ଦିର ଉଦଘାଟନ ଉତ୍ସବରେ ମୁଖ୍ୟ ଅତିଥି ଭାବେ ସାମିଲ ହେବା ପାଇଁ ପ୍ରଧାନମନ୍ତ୍ରୀଙ୍କୁ ଟ୍ରଷ୍ଟ ପକ୍ଷରୁ ଟ୍ରଷ୍ଟ ଅଧ୍ୟକ୍ଷ ମହନ୍ତ ନୃତ୍ୟଗୋପାଳ ଦାସ ବିଦ୍ଧିବଧ ଭାବେ ନିମନ୍ତ୍ରଣ କରିଛନ୍ତି । ଏଥିପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଟ୍ରଷ୍ଟ ପକ୍ଷରୁ 15 ଜାନୁୟାରୀରରୁ 27 ଜାନୁଯାରୀ ମଧ୍ୟରେ ଆସିବାକୁ ପ୍ରସ୍ତାବ ଦିଆଯାଇଥିଲା । ଗତ ସପ୍ତାହରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଧାନମନ୍ତ୍ରୀ ମୋଦିଙ୍କୁ ସାକ୍ଷାତ କରିବା ପରେ ଏହି ତାରିଖ ଚୂଡାନ୍ତ ହୋଇଥିବା କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
