ରାଇପୁର: ଦିନକୁ ଦିନ ବର୍ବରତାର ସବୁ ସୀମା ପାର କରୁଛି ମଣିଷ । ମଣିଷ ହୋଇ ଅମଣିଷଙ୍କ ଭଳି କାଣ୍ଡ ଘଟାଉଛି ଏ ମଣିଷ ସମାଜ । ଛତିଶଗଡର ବିଳାସପୁର ଅଞ୍ଚଳରେ ଏକ ଛାତିଥରା ଘଟଣା ଘଟିଛି । ଏକ ଟ୍ରାକ୍ଟର ଧକ୍କାରେ ଏକ ଗର୍ଭବତୀ ଗାଈର ମୃତ୍ୟୁ ହୋଇଛି । ପୋଲିସ ତଦନ୍ତ କରି ଚାଳକକୁ ଗିରଫ କରିଛି ।
ଟ୍ରାକ୍ଟର ଧକ୍କାରେ ଗାଈ ମୃତ
ସୂଚନାଅନୁସାରେ, ବିଳାସପୁରର ସରକଡା ଥାନା ଅଞ୍ଚଳ ରାସ୍ତାରେ ଏକ ଗର୍ଭବତୀ ଗାଈ ଶୋଇଥିଲା । ଏହି ସମୟରେ ଏକ ଟ୍ରାକ୍ଟର ଗାଈ ଉପରେ ଗାଡି ଚଢାଇ ଦେଇଥିଲା । ଫଳରେ ଘଟଣାସ୍ଥଳରେ ହିଁ ଗାଈର ମୃତ୍ୟୁ ହୋଇଥିଲା । ଡ୍ରାଇଭର ଜଣଙ୍କ ଗାଈ ଉପରେ ଜାଣିଶୁଣି ଗାଡି ଚଢେଇ ଦେଇଥିବା ଅଭିଯୋଗ କରିଛନ୍ତି ଗାଈ ମାଲିକ ।
ଏ ନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ଘଟଣାସ୍ଥଳକୁ ଯାଇ ସେଠାକାର ସିସିଟିଭ ଫୁଟେଜ ଯାଞ୍ଚ କରିଥିଲା । ଏହା ଟ୍ରାକ୍ଟର ଚାଳକ ଇଶ୍ବର ଧ୍ରୁବକୁ ଗିରଫ କରିବା ସହିତ ଟ୍ରାକ୍ଟରକୁ ଜବତ କରିଛି ପୋଲିସ ।
ବ୍ୟୁରୋ ରିପୋର୍ଟ,ଇଟିଭି ଭାରତ
