ମୁମ୍ବାଇ: ଅଶ୍ଳୀଳ ଭିଡିଓ ସୁଟିଂ ମାମଲା(Pornography Case)ରେ ବଢିଚାଲିଛି ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରାଙ୍କ ଅଡୁଆ । ଏନେଇ ମୁମ୍ବାଇ କ୍ରାଇମବ୍ରାଞ୍ଚ କୁନ୍ଦ୍ରାଙ୍କ ଅନେକ ସହଯୋଗୀଙ୍କୁ ପଚରାଉଚରା ଜାରି ରଖିଥିବା ବେଳେ ଆଜି ଆର୍ମସ୍ ପ୍ରାଇମ ମିଡିଆ ପ୍ରାଇଭେଟ ଲିମିଟେଡର ନିର୍ଦ୍ଦେଶକ ସୌରଭ କୁଶୱାଙ୍କୁ ଏହି ଅଶ୍ଳୀଳ ଭିଡିଓ ସୁଟିଂ ମାମଲାରେ ପଚରାଉଚରା ପାଇଁ ଡକାଇଛି। ତେବେ ଗତ ମାସ ଜୁଲାଇ 25 ରେ ମୁମ୍ବାଇ କ୍ରାଇମ ବ୍ରାଞ୍ଚ ଟେଲିଭିଜନ ଅଭିନେତା ତଥା ମଡେଲ ଗେହନା ବଶିଷ୍ଟ ଏବଂ ଅନ୍ୟ ଦୁଇଜଣଙ୍କୁ ଏହି ଅଶ୍ଳୀଳତା ଭିଡିଓ ମାମଲାରେ ପଚରାଉଚରା ପାଇଁ ଡକାଇଥିଲା।
ଏହାପୂର୍ବରୁ ଅଶ୍ଳୀଳ ଫିଲ୍ମ ନିର୍ମାଣ ଓ ଏହାକୁ ଆପ୍ରେ ରିଲିଜ କରିବା ଅଭିଯୋଗରେ ଗିରଫ ବିଜନେସମ୍ୟାନ ରାଜ କୁନ୍ଦ୍ରା ଓ ସହଯୋଗୀ ରୟାନ ଥୋର୍ପେ କୋର୍ଟରେ ଜାମିନ ଆବେଦନ କରିଥିଲେ । ହେଲେ ଏମାନଙ୍କ ଜାମିନ ଆବେଦନ ବମ୍ବେ ହାଇକୋର୍ଟ ଖାରଜ କରିଦେଇଥିଲେ । ଜୁଲାଇ 27 ରେ, ମୁମ୍ବାଇ କୋର୍ଟ ଅଭିନେତା ଶିଳ୍ପା ଶେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରାଙ୍କୁ ତାଙ୍କ ସହଯୋଗୀ ରିଆନ ଥୋର୍ପେଙ୍କ ସହ 14 ଦିନ ପାଇଁ ନ୍ୟାୟିକ ହେପାଜତକୁ ପଠାଇଥିଲେ। ଏହାପୂର୍ବରୁ ଜୁଲାଇ 25 ରେ କୁନ୍ଦ୍ରାଙ୍କ ଚାରିଜଣ କର୍ମଚାରୀ ଅଶ୍ଳୀଳ ରାକେଟ ମାମଲାରେ ତାଙ୍କ ବିରୋଧରେ ସାକ୍ଷୀ ଦେଇ ତାଙ୍କ ପାଇଁ ଅଡୁଆ ଆହୁରି ବଢାଇ ଦେଇଥିଲେ ।
ସୂଚନାନୁସାରେ 45 ବର୍ଷିୟ କୁନ୍ଦ୍ରାଙ୍କୁ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଅଭିଯୋଗରେ ଜୁଲାଇ 19 ରେ ମୁମ୍ବାଇ ପୋଲିସ ଗିରଫ କରିଥିଲା ଏବଂ ଜୁଲାଇ 23 ପର୍ଯ୍ୟନ୍ତ ପୋଲିସ ହେପାଜତରେ ରଖାଯାଇଥିଲା। ତେବେ ଆପରେ ଅପଲୋଡ ହୋଇଥିବା ୨୦ ମିନିଟରୁ ୩୦ ମିନିଟ ପର୍ଯ୍ୟନ୍ତ ମୋଟ ୯୦ଟି ଭିଡିଓ କ୍ରାଇମ ବ୍ରାଞ୍ଚ ହାତରେ ଲାଗିଥିବା ସୁତ୍ରରୁ ପ୍ରକାଶ । ମୁମ୍ବାଇ କ୍ରାଇମ ବ୍ରାଞ୍ଚର ପଚରାଉଚରା ବେଳେ ରାଜ କୁନ୍ଦ୍ରାଙ୍କୁ ଏହିସବୁ ଭିଡିଓ ଦେଖାଯାଇଥିଲା ଯାହାକୁ ଉମେଶ ବ୍ରିଟେନର ପ୍ରଡକ୍ସନ କମ୍ପାନୀ କେନରିନ ନିକଟକୁ ପଠାଇଥିଲା। ତେବେ କ୍ରାଇମ ବ୍ରାଞ୍ଚର ପଚରାଉଚରା ବେଳେ ରାଜ କୁନ୍ଦ୍ରା ବାରମ୍ବାର କହିଛନ୍ତି ଯେ ସେ ଅଶ୍ଳୀଳ ଭିଡିଓ ତିଆରି କରନ୍ତି ନାହିଁ ବରଂ ଅନ୍ୟ OTT ପ୍ଲାଟଫର୍ମରେ ଆସୁଥିବା ଇରୋଟିକ୍ ଭିଡିଓ ପରି ଭିଡିଓ ବନାନ୍ତି।
ତେବେ କୁନ୍ଦ୍ରାଙ୍କୁ ମୁମ୍ବାଇ ପୋଲିସ୍ ମୁଖ୍ୟ ଷଡଯନ୍ତ୍ରକାରୀ ଭାବରେ ପ୍ରମାଣିତ କରିଛି । ଏବଂ ତାଙ୍କ ବିରୋଧରେ ଧାରା 420 (ପ୍ରତାରଣା), 34 (ସାଧାରଣ ଉଦ୍ଦେଶ୍ୟ), 292 ଏବଂ 293 (ଅଶ୍ଳୀଳ ତଥା ଅଶ୍ଳୀଳ ବିଜ୍ଞାପନ ଏବଂ ପ୍ରଦର୍ଶନ ସହ ଜଡିତ) ଆଇପିସି ଧାରା ଅନୁଯାୟୀ ତାଙ୍କୁ ଦୋଷୀ ସାବ୍ୟସ୍ତ କରାଯାଇଛି।
@ANI
