ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାସିକ ମନ୍ କି ବାତ୍ ରେଡିଓ କାର୍ଯ୍ୟକ୍ରମ । ରେଡିଓ କାର୍ଯ୍ୟକ୍ରମର 103 ତମ ଏପିସୋଡରେ ଦେଶବାସୀଙ୍କୁ ମନ କଥା କହିବେ ପ୍ରଧାନମନ୍ତ୍ରୀ । ପୂର୍ବାହ୍ନ 11ଟାରେ ଦେଶବାସୀଙ୍କୁ ମନ୍ କି ବାତ୍ କାର୍ଯ୍ୟକ୍ରମ ଜରିଆରେ ସମ୍ବୋଧିତ କରିବେ ମୋଦି । ଏହି କାର୍ଯ୍ୟକ୍ରମ ଦେଶ ତଥା ବିଦେଶରେ ଲୋକପ୍ରିୟ ହୋଇପାରିଛି । ଆଜିର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରିପାରନ୍ତି ।
ପ୍ରଧାନମନ୍ତ୍ରୀ ଆଜି ରୋଡିଓ ମାଧ୍ୟମରେ ମନର କଥା କହିବାକୁ ଯାଉଛନ୍ତି । ପ୍ରଧାନମନ୍ତ୍ରୀଙ୍କ ମନ୍ କି ବାତ୍ ରେଡିଓ କାର୍ଯ୍ୟକ୍ରମକୁ ଦେଶର କୋଣ ଅନୁକୋଣରେ ଲୋକ ଶୁଣିଥାନ୍ତି । ଭାରତୀୟ ଜନତା ପାର୍ଟି ଦ୍ବାରା ଦେଶର ବିଭିନ୍ନ ସ୍ଥାନରେ ଏହି କାର୍ଯ୍ୟକ୍ରମକୁ ଶୁଣିବା ପାଇଁ ସ୍ବତନ୍ତ୍ର ବ୍ୟବସ୍ଥା ହୋଇଛି । ଜୁନ 18 ତାରିଖରେ ମନ କି ବାତ ରେଡିଓ କାର୍ଯ୍ୟକ୍ରମର 102ତମ ଏପିସୋଡ ପୂରଣ ହୋଇଥିଲା ।
ଏହା ମଧ୍ୟ ପଢନ୍ତୁ-Mann Ki Baat: ଏଥର ଶେଷ ନୁହେଁ ତୃତୀୟ ରବିବାର ମନ୍ କି ବାତ୍, ଆଜି ମନ କଥା କହିବେ ମୋଦି
ପ୍ରତିମାସ ଶେଷ ରବିବାର ମନ୍ କି ବାତ୍ କାର୍ଯ୍ୟକ୍ରମକୁ ଦେଶବାସୀ ଶୁଣିଥାନ୍ତି । ମାତ୍ର ଗତମାସର ତୃତୀୟ ରବିବାର ମନ୍ କି ବାତର 102ତମ ଏପିସୋଡ ପ୍ରସାରିତ ହୋଇଥିଲା । କିନ୍ତୁ ମଣିପୁର ହିଂସାକୁ ନେଇ ପ୍ରଧାନମନ୍ତ୍ରୀ ପଦୁଟିଏବି କହିନଥିଲେ । ଯାହାକୁ ନେଇ କଂଗ୍ରେସ ଓ ତୃଣମୂଳ କଂଗ୍ରେସ ଉଭୟ ଏହି ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଥିଲେ । ଆଜି ମଣିପୁର ପ୍ରସଙ୍ଗ ଉପରେ ପ୍ରଧାନମନ୍ତ୍ରୀ ନୀରବତା ଭାଙ୍ଗି ପାରନ୍ତି ବୋଲି ଆଶା ରହିଛି । ଗତ ଏପ୍ରିଲ ମାସରେ ମନ୍ କି ବାତର 100ତମ ଏପିସୋଡ ପୂରଣ ହୋଇଥିଲା । ଏପ୍ରିଲ 30ରେ ବିଶ୍ବସ୍ତରରେ ଏହା ପ୍ରସାରଣ ହୋଇଥିଲା । ନ୍ୟୁୟର୍କରେ ଜାତିସଂଘ ମୁଖ୍ୟାଳୟରେ ମଧ୍ୟ ସିଧାପ୍ରସାରଣ ହୋଇଥିଲା ।
2014 ଅକ୍ଟୋବର 3 ତାରିଖରେ ମନ୍ କି ବାତର ପ୍ରଥମ ଏପିସୋଡ ପ୍ରସାରିତ ହୋଇଥିଲା । ହିନ୍ଦୀ ଭାଷାରେ ଏହି କାର୍ଯ୍ୟକ୍ରମ ପ୍ରସାରିତ ହେବା ପରେ ଆଞ୍ଚଳିକ ଭାଷାରେ ମୋଦିଙ୍କ ମନ କଥାକୁ ପ୍ରସାରିତ କରାଯାଇଥାଏ । ପ୍ରତି ମାସ ଶେଷ ରବିବାର ରେଡିଓ ଜରିଆରେ ଦେଶବାସୀଙ୍କୁ ମନ କଥା କହିବା ସହେ ଅନେକ ବ୍ୟକ୍ତିତ୍ବ ଓ ସଫଳତାର କାହାଣୀ କହିଥାନ୍ତି ପ୍ରଧାନମନ୍ତ୍ରୀ ।
