କଂଗ୍ରେସକୁ ମୋଦିଙ୍କ କଟାକ୍ଷ, କାଉଣ୍ଟର କଲେ ଜୟରାମ

ଦରଦାମ ବିରୁଦ୍ଧରେ କଂଗ୍ରେସ କଳା ପୋଷାକ ପିନ୍ଧି ଆନ୍ଦୋଳନ କରିବାକୁ ନେଇ ବର୍ଷିଲେ ମୋଦି । କହିଲେ କଳା ଯାଦୁ ଦ୍ବାରା ଖରାପ ଦିନ ଶେଷ ହେବନି । ଅଧିକ ପଢନ୍ତୁ

ନୂଆଦିଲ୍ଲୀ: ଦରଦାମ ବିରୁଦ୍ଧରେ ଅଗଷ୍ଟ ୫ ତାରିଖରେ କଂଗ୍ରେସ ନେତାମାନେ କଳା ପୋଷାକ ପିନ୍ଧି ଆନ୍ଦୋଳନ କରିଥିଲେ । କଂଗ୍ରେସର ଏପରି ଆନ୍ଦୋଳନକୁ ନେଇ ବର୍ଷିଛନ୍ତି ପ୍ରଧାନମନ୍ତ୍ରୀ ମୋଦି । କଂଗ୍ରେସର ନାଁ ନେଇ ମୋଦି କଟାକ୍ଷ କରିଛନ୍ତି, ''କିଛି ଲୋକ କଳା ଯାଦୁ କରୁଛନ୍ତି । କାରଣ ସେମାନେ ନକରାତ୍ମକ ଏବଂ ନିରାଶାରେ ବୁଡି ରହିଛନ୍ତି । କଳା ଯାଦୁ ଉପରେ ବିଶ୍ବାସ କରୁଥିବା ଲୋକେ, କେବେ ବି ଜନତାଙ୍କ ବିଶ୍ବାସ ଜିତିପାରିବେ ନାହିଁ । ସେମାନଙ୍କ କଳା ଯାଦୁ କାମ ଦେବନି । ''

• ये काला धन लाने के लिए तो कुछ कर नहीं पाए, अब काले कपड़ों को लेकर बेमतलब का मुद्दा बना रहे हैं।
  
  देश चाहता है कि प्रधानमंत्री उनकी समस्याओं पर बात करें लेकिन जुमला जीवी कुछ भी बोलते रहते हैं। pic.twitter.com/YZNN8TCrCs

  — Jairam Ramesh (@Jairam_Ramesh) August 10, 2022 " class="align-text-top noRightClick twitterSection" data="

  ये काला धन लाने के लिए तो कुछ कर नहीं पाए, अब काले कपड़ों को लेकर बेमतलब का मुद्दा बना रहे हैं।
  
  देश चाहता है कि प्रधानमंत्री उनकी समस्याओं पर बात करें लेकिन जुमला जीवी कुछ भी बोलते रहते हैं। pic.twitter.com/YZNN8TCrCs

  — Jairam Ramesh (@Jairam_Ramesh) August 10, 2022

  ">

  ये काला धन लाने के लिए तो कुछ कर नहीं पाए, अब काले कपड़ों को लेकर बेमतलब का मुद्दा बना रहे हैं।
  
  देश चाहता है कि प्रधानमंत्री उनकी समस्याओं पर बात करें लेकिन जुमला जीवी कुछ भी बोलते रहते हैं। pic.twitter.com/YZNN8TCrCs

  — Jairam Ramesh (@Jairam_Ramesh) August 10, 2022

କୌଣସି ଦଳ ନାଁ ନନେଇ ମୋଦି ଆହୁରି ମଧ୍ୟ କହିଛନ୍ତି ଯେ, ''ଆତ୍ମନିର୍ଭର ଭାରତ ଗଠନ ପ୍ରୟାସରେ ମାଗଣା ଉପହାର ଏକ ପ୍ରତିବନ୍ଧକ ଅଟେ । କରଦାତାଙ୍କ ପାଇଁ ଏହା ବୋଝ ମଧ୍ୟ । କିଛି ଲୋକେ ହତାଶ ହୋଇ ଅଗଷ୍ଟ ୫ ତାରିଖରେ କଳା ଯାଦୁ କରିଥିଲେ । ସେମାନେ କଳା ପୋଷାକ ପିନ୍ଧିଥିବାର ଆମେ ଦେଖିବାକୁ ପାଇଥିଲୁ । କଳା ପୋଷାକ ପିନ୍ଧିଥିବା ଲୋକ ଭାବୁଛନ୍ତି ସେମାନଙ୍କ ଖରାପ ସମୟ ସରିଯିବ । କିନ୍ତୁ ତନ୍ତ୍ର ମନ୍ତ୍ର, କଳା ଯାଦୁ ଏବଂ ଅନ୍ଧବିଶ୍ବାସରେ ବୁଡି ରହି ସେମାନେ ପୁଣିଥିରେ ଲୋକଙ୍କ ବିଶ୍ବାସ ଜିତିପାରିବେ ନାହିଁ । କଳା ଯାଦୁ ଦ୍ବାରା ସେମାନଙ୍କ ଖରାପ ଦିନ ଶେଷ ହେବନି ।'' ହରିୟାଣାର ପାନିପଥରେ ଜୈବିକ ଇନ୍ଧନ ପ୍ଲାଣ୍ଟର ଉଦଘାଟନୀ ଅବସରରେ ଏପରି କହିଛନ୍ତି ପ୍ରଧାନମନ୍ତ୍ରୀ ।

ଅନ୍ୟପଟେ ମୋଦିଙ୍କ ଏପରି କଳା ଯାଦୁ ଟିପ୍ପଣୀ ଉପରେ ପାଲଟା ଜବାବ ଦେଇଛି କଂଗ୍ରେସ । କଂଗ୍ରେସ ନେତା ଜୟରାମ ରମେଶ, ମୋଦି କଳା ପୋଷାକରେ ଗଙ୍ଗାନଦୀରେ ବୁଡ ପକାଉଥିବାର ଏକ ଫଟୋ ଟ୍ବିଟ୍ କରି କହିଛନ୍ତି, ''ପ୍ରଧାନମନ୍ତ୍ରୀ କଳାଧନ ଫେରାଇ ଆଣିବାକୁ କିଛି କରିପାରିଲେନି । ତେଣୁ ଏବେ କଳା କପଡାକୁ ନେଇ ମୂଲ୍ୟହୀନ ମୁଦ୍ଦା କରୁଛନ୍ତି । ଦେଶବାସୀ ଚାହୁଁଛନ୍ତି ପ୍ରଧାନମନ୍ତ୍ରୀ ସେମାନଙ୍କ ସମସ୍ୟା ସମ୍ପର୍କରେ ଆଲୋଚନା କରନ୍ତୁ । କିନ୍ତୁ ଏଠାରେ ମିଥ୍ୟାବାଦୀମାନେ କେତେବେଳେ କିଛି ବି କହୁଛନ୍ତି ।''

ଉଲ୍ଲେଖଯୋଗ୍ୟ, ଅଗଷ୍ଟ ୫ରେ କଂଗ୍ରେସ ନେତା ରାହୁଲ ଗାନ୍ଧୀ, ସୋନିଆ ଗାନ୍ଧୀ ଏବଂ ଦଳର ଅନ୍ୟାନ୍ୟ ବରିଷ୍ଠ ନେତାମାନେ ଦରବୃଦ୍ଧି ବିରୁଦ୍ଧରେ ଆନ୍ଦୋଳନ କରିଥିଲେ । କିଛି ନିର୍ଦ୍ଦିଷ୍ଟ ସାମଗ୍ରୀ ଉପରେ ଜିଏସଟି ବୃଦ୍ଧି ଏବଂ ବେକାରୀ ସମସ୍ୟାକୁ ନେଇ ସେମାନେ କଳାପୋଷାକ ପିନ୍ଧି ପ୍ରତିବାଦ କରିଥିଲେ ।