ନୂଆଦିଲ୍ଲୀ: କୋଭିଡ ପରିଚାଳାନକୁ ନେଇ ପ୍ରଧାନମନ୍ତ୍ରୀ ମୋଦିଙ୍କ ରାଜ୍ୟ ଓ ଜିଲ୍ଲା ସ୍ତରର ଅଧିକାରୀଙ୍କ ସହିତ ବୈଠକ ଶେଷ ହୋଇଛି । ଏହି ଆଲୋଚନା ସମୟରେ ସ୍ଥାନୀୟ ଅଞ୍ଚଳରେ କଣ୍ଟେନମେଣ୍ଟ ଜୋନ, ଟେଷ୍ଟିଂ ଓ ଲୋକମାନଙ୍କୁ ସଠିକ ଓ ସମ୍ପୂର୍ଣ୍ଣ ସୂଚନା ମହାମାରୀ ବିରୋଧରେ ଆମର ଅସ୍ତ୍ର ବୋଲି କହିଛନ୍ତି ମୋଦି ।
ଏହି ବୈଠକରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ, କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପା ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ଯୋଗ ଦେଇଥିଲେ । ରାଜ୍ୟ ଓ ଜିଲ୍ଲାସ୍ତରରେ କୋରୋନା ମହାମାରୀ ବିରୋଧରେ ବଡ ଭୂମିକା ଗ୍ରହଣ କରୁଛନ୍ତି ବୋଲି ମୋଦି କହିଛନ୍ତି । ରାଜ୍ୟ ଓ ଜିଲ୍ଲା ଅଧିକାରୀମାନେ ତୃଣମୂଳ ସ୍ତରରେ କମାଣ୍ଡର ଭାବେ କୋରୋନା ମହାମାରୀର ପରିଚାଳନା କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ଗତ ଥର କୃଷିକ୍ଷେତ୍ରରେ ସରକାର କୌଣସି କଟକଣା ଲଗାଇନଥିଲେ କିନ୍ତୁ ଚାଷୀମାନେ ସାମାଜିକ ଦୂରତା ବଜାୟ ରଖି ନିଜର କାର୍ଯ୍ୟ କରିଛନ୍ତି । ତେବେ ଏହା ଗ୍ରାମବାସୀଙ୍କ ବଳ ବୋଲି ମୋଦି କହିଛନ୍ତି ।
ବର୍ତ୍ତମାନ ବିଭିନ୍ନ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା କମ ରହିଛି । ତେବେ ସଂକ୍ରମଣ କମୁଥିବାରୁ ଆମ ସମସ୍ତଙ୍କୁ ସତର୍କ ରହିବାକୁ ପଡିବ । ଆମେ ସମସ୍ତେ ସଂକ୍ରମଣ ଠାରୁ ଦୂରେଇ ରହି ସତର୍କ ରହିଲେ ଏହା ପ୍ରତ୍ୟେକ ଜୀବନକୁ ବଞ୍ଚାଇପାରିବ ବୋଲି ମୋଦି କହିଛନ୍ତି । ମଙ୍ଗଳବାର ପ୍ରଧାନମନ୍ତ୍ରୀ ରାଜ୍ୟ ଓ ଜିଲ୍ଲା ସ୍ତରରେ କରିଥିବା ବୈଠକରେ କର୍ଣ୍ଣାଟକ, ବିହାର, ଆସାମ, ଚଣ୍ଡିଗଡ, ତାମିଲନାଡୁ, ଉତ୍ତରାଖଣ୍ଡ, ମଧ୍ୟପ୍ରଦେଶ, ଗୋଆ, ହିମାଚଳପ୍ରଦେଶ ଓ ଦିଲ୍ଲୀର ଅଧିକାରୀମାନେ ବୈଠକରେ ଉପସ୍ଥିତ ଥିଲେ ।
ଏହି ରାଜ୍ୟର ଅଧିକାରୀମାନେ ନିଜ ଅଞ୍ଚଳରେ ମହାମାରୀ ବିରୋଧରେ ଗ୍ରହଣ କରିଥିବା ବିଭିନ୍ନ ନିୟମ ଓ ପଦକ୍ଷେପ ସମ୍ପର୍କରେ ମୋଦିଙ୍କ ସହିତ ଆଲୋଚନା କରିଥିଲେ । ଜିଲ୍ଲାସ୍ତରର ଅଧିକାରୀମାନେ ଭିନ୍ନ ପଦକ୍ଷେପ ଗ୍ରହଣ କରି ସଫଳତା ମଧ୍ୟ ପାଇଛନ୍ତି । ଏ ସମ୍ପର୍କରେ ସେମାନେ ପ୍ରଧାନମନ୍ତ୍ରୀଙ୍କ ସହିତ ଆଲୋଚନା କରିଥିଲେ ।
@ANI
