ପାଟନା: ବିହାରରେ ଚିରାଗ ପାସୱାନଙ୍କୁ ବଡ ଝଟକା । ଚିରାଗଙ୍କ ଦାଦା ପଶୁପତି ପାରସ ଏଲଜେପିର ସଂସଦୀୟ ଦଳ ନେତା ଚୟନ ହୋଇଛନ୍ତି । ଲୋକସଭା ବାଚସ୍ପତି ଓମ ବିର୍ଲା ସୋମବାର ଦେଇଛନ୍ତି ଏହାର ମାନ୍ୟତା ।
ଦଳର 6 ଜଣ ସାଂସଦଙ୍କ ମଧ୍ୟରୁ ପାଞ୍ଚ ଜଣ ପଶୁପତିଙ୍କୁ ନେତା ଭାବରେ ଚୟନ କରି ବାଚସ୍ପତିଙ୍କୁ ଏକ ଚିଠି ଦେଇଛନ୍ତି। ବାଚସ୍ପତି ଏଲଜେପି ସାଂସଦଙ୍କ ଦାବିକୁ ଗ୍ରହଣ କରିଛନ୍ତି। ପଶୁପତି ପାରସଙ୍କୁ ଏଲଜେପି ସଂସଦୀୟ ଦଳର ନେତା ଭାବେ ମାନ୍ୟତା ଦିଆଯାଇଛି। ଏହାପୂର୍ବରୁ ଚିରାଗ ପାସୱାନ ସଂସଦୀୟ ଦଳର ନେତା ଥିଲେ।
ଏହାପୂର୍ବରୁ ଏଲଜେପି ବିଦ୍ରୋହୀ ସାଂସଦ ପାଶୁପତି ପାରସ କହିଥିଲେ ଯେ ଦଳର ସାଂସଦ ଏକଜୁଟ ହୋଇ ଏନଡିଏରେ ରହିବେ। ଏଥିସହ ସେ ମୁଖ୍ୟମନ୍ତ୍ରୀ ନିତୀଶ କୁମାରଙ୍କୁ ପ୍ରଶଂସା କରିଛନ୍ତି।
