ମୁମ୍ବାଇ: ପୁଣି ଗୋଟିଏ ରାତି ଜେଲରେ ରହିବେ ଆର୍ଯ୍ୟନ ଖାନ । ଜେଲରେ ପହଞ୍ଚି ପାରିଲାନି ଜାମିନ କାଗଜପତ୍ର । ଜାମିନ ମିଳିଛି କିନ୍ତୁ ଜେଲରୁ ମୁକୁଳିବାରେ ବିଳମ୍ବ ହୋଇଛି । କାଗଜପତ୍ର ପ୍ରସ୍ତୁତ କରି ନ ପାରିବା ଯୋଗୁଁ ଆଜି ଜେଲରୁ ବାହାରି ପାରିନାହାଁନ୍ତି ଷ୍ଟାର କିଡ ଆର୍ଯ୍ୟନ ଖାନ ।
ଗତକାଲି (ଗୁରୁବାର) ଜାମିନ ମିଳିବା ପରେ ଆଜି ଜେଲରୁ ମୁକୁଳିବା ପାଇଁ ପ୍ରକ୍ରିୟା ଆରମ୍ଭ କରାଯାଇଥିଲା । ଜେଲର ସମସ୍ତ ପ୍ରକ୍ରିୟା ଶେଷ ହେବା ପରେ ଆର୍ଯ୍ୟନ ଖାନଙ୍କ ଆର୍ଥର ରୋଡ ଜେଲରୁ ମୁକୁଳିବା ସମସ୍ତ ବ୍ୟବସ୍ଥା କରାଯାଇଥିଲା। ତେବେ ଜାମିନ ଅର୍ଡର କପି ଜେଲରେ ଠିକ ସମୟରେ ପହଞ୍ଚି ପାରିନାହିଁ । ଫଳରେ ତାଙ୍କୁ ଜେଲରେ ମୁକୁଳିବା ପାଇଁ ଆଉ ଗୋଟିଏ ରାତି ଅପେକ୍ଷା କରିବା ପାଇଁ ପଡିବ । ବର୍ତ୍ତମାନ ଶୁକ୍ରବାର ବଦଳରେ ଶନିବାର ଜେଲରୁ ବାହାରିବେ ଆର୍ଯ୍ୟନ ଖାନ ।
ଦୀର୍ଘ ୨୬ ଦିନ ପରେ ବିଶିଷ୍ଟ ଓକିଲ ତଥା ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରୋହତଗୀ ଆର୍ଯ୍ୟନ ଖାନଙ୍କ ମାମଲା ବମ୍ବେ ହାଇକୋର୍ଟରେ ଲଢିଥିଲେ । ଦୀର୍ଘ ସମୟ କୋର୍ଟରେ ବିଚାର ପରେ ଶେଷର ଆର୍ଯ୍ୟନ ଖାନ ସମେତ ମୁନମୁନ ଧମେଚା ଓ ଅର୍ବାଜ ମାର୍ଚ୍ଚାଣ୍ଟଙ୍କୁ ମିଳିଥିଲା ଜାମିନ।
ସୂଚନାଥାଉକି ମୁମ୍ବାଇର ଏକ କ୍ରୃଜ ପାର୍ଟିରେ ଏନସିବି ଚଢାଉ କରି ଡ୍ରୋଗ୍ସ ମାମଲାରେ ଆର୍ଯ୍ୟନ ଖାନ ସମେତ ମୁନମୁନ ଧମେଚା ଓ ଅର୍ବାଜ ମାର୍ଚ୍ଚାଣ୍ଟଙ୍କୁ ଗିରଫ କରିଥିଲା । ଦୀର୍ଘ ତିନି ସପ୍ତାହ ହେଲା ଜେଲରେ ରିହିଛନ୍ତି ଏହି ଷ୍ଟାର କିଡ।
