ନୂଆଦିଲ୍ଲୀ: ସେନା ପ୍ରଶିକ୍ଷଣ ଅଭ୍ୟାସବେଳେ ଅଘଟଣ ଘଟି ଜଣେ ଯବାନ ଶହୀଦ । ପଞ୍ଜାବର ପଠାନକୋଟରେ ସେନାର ପ୍ରଶିକ୍ଷଣ ଅଭ୍ୟାସ ଚାଲିଥିବାବେଳେ ଏପରି ଅଘଟଣ ଘଟିଛି । ତେବେ ଖରାପ ପାଣିପାଗ କାରଣରୁ ଏପରି ଘଟିଥିବା ଜଣାପଡିଛି । ଏଥିରେ ଜଣେ ଯବାନ ଶହୀଦ ହୋଇଥିବାବେଳେ ଅନ୍ୟ କିଛି ଯବାନ ଗୁରୁତର ଆହତ ହୋଇଥିବା ସୂଚନା ରହିଛି ।
ଘଟଣା ନେଇ ସେନା ପକ୍ଷରୁ ଏକ ବିବୃତ୍ତି ଜାରି କରାଯାଇ ସୂଚନା ଦିଆଯାଇଛି । ସେନା କହିଛି 9କର୍ପସ ଅଧୀନରେ ଥିବା ଏକ ଅଞ୍ଚଳରେ ଏକ ପ୍ରଶିକ୍ଷଣ ଶିବିରରେ ଅଭ୍ୟାସ ଚାଲିଥିଲା । ଅତ୍ୟଧିକ ଖରାପ ପାଗ ଯୋଗୁ ଜଣେ ଯବାନ ଏଥିରେ ପ୍ରାଣ ହରାଇ ଥିବାବେଳେ ଏଥିରେ ଅନ୍ୟ କିଛି ଗୁରୁତର ହୋଇଥିଲେ । ଆହତମାନଙ୍କୁ ତୁରନ୍ତ ପଠାନକୋଟସ୍ଥିତ ସାମରିକ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ସ୍ବାସ୍ଥ୍ୟବସ୍ଥା ଉପରେ ଡାକ୍ତରୀ ଟିମ ସ୍ବତନ୍ତ୍ର ନଜର ରଖାଯାଇଥିବା ସହ ଆବଶ୍ୟକ ଚିକିତ୍ସା ସେବା ଯୋଗାଇ ଦିଆଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
