ନୂଆଦିଲ୍ଲୀ: ହରିଦ୍ୱାରରେ କୁମ୍ବ ମେଳାକୁ ସଫଳତାର ସହ ଆୟୋଜନ କରିଥିବାରୁ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଉତ୍ତରାଖଣ୍ଡ ସରକାର ଅଧିକାରୀଙ୍କୁ ପ୍ରଶଂସା କରିଥିବା ନେଇ ଚାଲିଥିବା ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ରାଜ୍ୟର ଜଣେ ସରକାରୀ ଅଧିକାରୀ । ସମ୍ପୃକ୍ତ ଅଧିକାରୀ କହିଛନ୍ତି ଯେ ଏହି ଚିଠି ନକଲି ଏବଂ ଏନଏସଏ ଏପରି କୌଣସି ଚିଠି ଲେଖି ନାହାନ୍ତି ବୋଲି ସ୍ପଷ୍ଟ କରିଛନ୍ତି ।
ଉତ୍ତରପ୍ରଦେଶ ମୁଖ୍ୟ ଶାସନ ସଚିବଙ୍କୁ ସମ୍ବୋଧିତ ଚିଠିରେ ଡୋଭାଲ ତାଙ୍କୁ ‘କୁମ୍ଭ ମେଳା ସମୟରେ ପରିସ୍ଥିତିକୁ ନିୟନ୍ତ୍ରଣ କରିବାରେ’ ପ୍ରଶଂସା କରିଥିବା ଚର୍ଚ୍ଚା ଜୋର ଧରିଥିଲା । ଦେଶରେ କୋରୋନା ମହାମାରୀ ଉତ୍କଟ ରୂପ ଧାରଣ କରିଥିବା ବେଳେ କୁମ୍ଭ ଆୟୋଜନ ମଧ୍ୟ ସଂକ୍ରମଣ ଆଶଙ୍କାକୁ ମଧ୍ୟ ବଢାଇଛି । ତେବେ ଏହାରି ମଧ୍ୟରେ ଜାତୀୟ ପରାମର୍ଶଦାତା ଡୋଭାଲଙ୍କର ଏହି ଚିଠି ଲେଖି ପ୍ରଶଂସା କରିବା ପ୍ରସଙ୍ଗ ମଧ୍ୟ ଖୁବ ଚର୍ଚ୍ଚାର ପରିସରକୁ ଆସିଥିଲା । ପରେ ଏହି ଚିଠି ସମ୍ପର୍କିତ ଖବର ମିଥ୍ୟା ବୋଲି ସ୍ପଷ୍ଟ ହେବା ପରେ ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
