ରାୟପୁର: ଜୀବଜଗତର ଅଭିନ୍ନ ଅଂଶ ପଶୁ । ପରିବେଶ ସୁରକ୍ଷା ଓ ମାନବ ସମାଜର ମଙ୍ଗଳସାଧନାରେ ସେମାନଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି । କିନ୍ତୁ କିଛି ଗୃହପାଳିତ ପଶୁଙ୍କୁ ଛାଡିଲେ ଅନ୍ୟ ପଶୁମାନଙ୍କୁ ଅଣଦେଖା କରେ ପ୍ରାଣୀ ଜଗତ । ସହରର ରାସ୍ତା କଡରେ ଅନେକ ପଶୁ ଆହତ ରୋଗିଣା ହୋଇ ମୃତ୍ୟୁବରଣ କରିଥାନ୍ତି । ସେମାନଙ୍କ ମୃତ୍ୟୁରେ କାହାରିକୁ ଫରକ ପଡିବା ତ ଦୂରର କଥା ସେମାନଙ୍କ ବିଷୟରେ ଚିନ୍ତା କରିବା ପାଇଁ ମଧ୍ୟ କାହାରିପାଖେ ସମୟ ନଥାଏ ।
ହେଲେ ବିଳାସପୁରର ନିଧି ତିଓ୍ବାରୀ(Nidhi Tiwari of Bilaspur ) ନାମକ ଜଣେ ମହିଳା ପଶୁମାନଙ୍କ ସେବା କରିବା ପାଇଁ ଆଗକୁ ଆସିଛନ୍ତି(Animal Lover Nidhi Tiwar) । ନିଧି ପଶୁ ପକ୍ଷୀଙ୍କୁ ସୁରକ୍ଷା ଦେବା ଏବଂ ସେମାନଙ୍କୁ ଭଲ ଜୀବନ ଦେବା ପାଇଁ ପଦକ୍ଷେପ ନେଇଛନ୍ତି । ବିଲାସପୁରର କୁଦୁଦଣ୍ଡ ଶିବ ଚକ୍ରେ ରହୁଥିବା ନିଧି ତିୱାରୀ ପଶୁମାନଙ୍କୁ ନିଜ ଖର୍ଚ୍ଚରେ ଘରେ ରହିବାକୁ ବ୍ୟବସ୍ଥା କରିଛନ୍ତି (Nidhi Tiwari messiah for abandoned animals) ।
ଏହା ମଧ୍ୟ ପଢନ୍ତୁ: Interesting story: ପଶୁଙ୍କ ଦରଦୀ ବନ୍ଧୁ ରାଜେଶ, ନିତି ଖୁଆନ୍ତି ବିରିୟାନୀ
ଏନେଇ ନିଧି ତିୱାରୀ କହିଛନ୍ତି ଯେ," ପ୍ରାୟତଃ ଲୋକମାନେ ଆହତ ପଶୁମାନଙ୍କ ବିଷୟରେ ମୋତେ ସୂଚନା ଦିଅନ୍ତି । ସୂଚନା ପାଇବା ପରେ ମୁଁ ପଶୁମାନଙ୍କୁ ଉଦ୍ଧାର କରି ମୋ ଘରକୁ ଆଣିଥାଏ । ଅନେକ ମାମଲା ଏଭଳି ରହିଥାଏ ଯେଉଁଥିରେ ପୋଲିସର ସାହାଯ୍ୟ ଆବଶ୍ୟକ ହୋଇଥାଏ । ସେହି ପରିସ୍ଥିତିରେ ମୁଁ ପୋଲିସ ଏବଂ ବନବିଭାଗ ଠାରୁ ସାହାଯ୍ୟ ପାଇଁ ପଶୁମାନଙ୍କୁ ଉଦ୍ଧାରକରି ଘରକୁ ଆଣିଥାଏ । କିଛି ମାମଲାକୁ ମନେ ପକାଇ ନିଧି କହିଛନ୍ତି ଯେ, ଏକ ମନ୍ଦିରରେ ଏକ ଛୋଟ ଛେଳି ବଳି ଦିଆଯାଉଥିଲା । ତେବେ ଏହାକୁ ରୋକିବା କରିବା ପାଇଁ ପୋଲିସର ଆବଶ୍ୟକ ରହିଥିଲା। ଏହି ଘଟଣାରେ ପୋଲିସ ମଧ୍ୟ ତାଙ୍କୁ ସାହାଯ୍ୟ କରିନଥିଲା । ତାପରେ ମୁଁ ମନ୍ତ୍ରୀ ମେନକା ଗାନ୍ଧୀଙ୍କୁ ସାହାଯ୍ୟ ମାଗିଥିଲି। ଏହା ପରେ ପୋଲିସ ସେମାନଙ୍କୁ ସାହାଯ୍ୟ କରି ବଳି ଦିଆଯାଉଥିବା ଛେଳିକୁ ଉଦ୍ଧାର କରିଥିଲା ।"
ଅନେକ ସମୟରେ ରାସ୍ତାରେ ପ୍ରାଣୀ ଦୁର୍ଘଟଣା ଏବଂ ଅସୁସ୍ଥ ଅବସ୍ଥାରେ ପଡ଼ିଥିବାର ଦେଖାଯାଏ । ସେମାନଙ୍କୁ ଆଣି ନିଧି ନିଜ ଖର୍ଚ୍ଚରେ ଚିକିତ୍ସା ଯୋଗାଇଥାନ୍ତି । ନିଧି କହିଛନ୍ତି ଯେ, "ବେଳେବେଳେ ପଶୁମାନଙ୍କର ଅବସ୍ଥା ଏତେ ଖରାପ ଯେ ସେମାନଙ୍କ ଚିକିତ୍ସା ପାଇଁ ବହୁତ ଅର୍ଥ ଖର୍ଚ୍ଚ ହୋଇଥାଏ । କେତେକ ପଶୁଙ୍କ ଚିକିତ୍ସାରେ 25 ରୁ 30 ହଜାର ଟଙ୍କା ଖର୍ଚ୍ଚ ହୋଇଛି । ତେବେ ଇନଷ୍ଟାଗ୍ରାମରେ ମୋର ଏକ ଲକ୍ଷରୁ ଅଧିକ ଲୋକ ସଂଯୁକ୍ତ ଅଛନ୍ତି । ସେମାନେ ବେଳେବେଳେ ତାଙ୍କୁ ଅଳ୍ପ ପରିମାଣରେ ସାହାଯ୍ୟ କରିଥାନ୍ତି । ଏକ ମାସରେ ପଶୁମାନଙ୍କର ସେବା ତଥା ଚିକିତ୍ସାରେ ପ୍ରାୟ 1.5 ରୁ 2 ଲକ୍ଷ ଟଙ୍କା ଖର୍ଚ୍ଚ ହୁଏ । ଗାଁରେ ମୋର କୃଷି ଜମି ଅଛି । ଚାଷରୁ ପାଇଥିବା ଟଙ୍କାରେ ପଶୁମାନଙ୍କୁ ଚିକିତ୍ସା ସହ ସେବା ଯୋଗାଇଥାନ୍ତି ।
ନିଧିଙ୍କ ଘର ୩ମହଲା ହୋଇଥିବା ବେଳେ ସମସ୍ତ କୋଠାରେ ସେ ପଶୁମାନଙ୍କୁ ରଖିଛନ୍ତି । ନିଧିଙ୍କ ବାପା ଏବଂ ଭାଇ ପ୍ରତିଦିନ ଘରେ ରଖାଯାଇଥିବା ପଶୁମାନଙ୍କର ଖାଦ୍ୟର ବ୍ୟବସ୍ଥା କରନ୍ତି । ପରିବାରଲୋକେ ମଧ୍ୟ ପଶୁମାନଙ୍କ ସେବା କରିବା ପାଇଁ ନିଧିକୁ ଆର୍ଥିକ ସାହାଯ୍ୟ କରିଥାନ୍ତି ।
ନିଧି କହିଛନ୍ତି ଯେ,"ମୋ ଜେଜେମାଙ୍କ କହିବା ଅନୁସାରେ ଯେତେବେଳେ ଭଗବାନ ମଣିଷ ଏବଂ ପଶୁ ସୃଷ୍ଟି କରିଥିଲେ ସେତେବେଳେ ସେ ଭାବିଥିଲେ କାହାକୁ କଣ ଦେବେ । ସମସ୍ତ ପଶୁ କହିଥିଲେ ଯେ ହାତ ଏବଂ ମସ୍ତିଷ୍କ ମଣିଷକୁ ଦିଆଯିବା ଉଚିତ କାରଣ ଯେତେବେଳେ ସେମାନଙ୍କର ହାତ ଏବଂ ମସ୍ତିଷ୍କ ଥାଏ, ସେମାନେ ଆମକୁ ସୁରକ୍ଷା ଏବଂ ସେବା କରିବେ। ଜେଜେମା’ଙ୍କ ଏହି ଜିନିଷ ମୋ ମନରେ ଘର କରିସାରିଥିଲା।" ଲୋକମାନେ ଯେପରି ନିଜ ପରିବାରର ପିଲାମାନଙ୍କର ଯତ୍ନ ନିଅନ୍ତି, ସେହିଭଳି ଏହି ପଶୁମାନଙ୍କୁ ମଧ୍ୟ ସେବା କରାଯିବା ଉଚିତ୍ ବୋଲି ନିଧି ତିୱାରୀ ସାଧାରଣ ଜନତାଙ୍କୁ ନିବେଦନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
