ନୂଆଦିଲ୍ଲୀ/ଗାଜିଆବାଦ: ଭାରତୀୟ କିଶାନ ୟୁନିୟନ ଅଧ୍ୟକ୍ଷ ଗୁରନାମ ସିଂ ଚାଦୁନୀ ଓ ହରିୟାଣା ସରକାରଙ୍କ ଅତିରିକ୍ତ ମୁଖ୍ୟ ଶାସନ ସଚିବ ଦେବେନ୍ଦ୍ର ସିଂ ଆଜି (ଶନିବାର) କରନାଲରେ ଚାଲିଥିବା ଆନ୍ଦୋଳନୁ ନେଇ ଆଲୋଚନା କରିଥିଲେ । ଉଭୟ ପକ୍ଷଙ୍କ ମଧ୍ୟରେ ଆଲୋଚନା ପରେ ଏକ ମିଳିତ ସାମ୍ବାଦିକ ସମ୍ମିଳନୀ କରି ଆନ୍ଦୋଳନ ପ୍ରତ୍ୟାହାର ଘୋଷଣା କରିଛି ଚାଷୀ ସଂଗଠନ ।
ସରକାରଙ୍କ ପକ୍ଷରୁ ଆଲୋଚନାରେ ସାମିଲ ହୋଇଥିବା ଅତିରିକ୍ତ ମୁଖ୍ୟ ଶାସନ ସଚିବ ଦେବେନ୍ଦ୍ର ସିଂ କହିଛନ୍ତି, ଆନ୍ଦୋଳନରତ ଚାଷୀଙ୍କ ସହ ଆମେ ଏକାଧିକ ଥର ଆଲୋଚନା କରିଛୁ । କୃଷକ ସଂଗଠନର ଦାବି ପ୍ରତି ସରକାର ବିଚାର କରୁଛନ୍ତି । ସେହିପରି ସରକାର ଏସଡିଏମ ଆୟୁଷ ସିହ୍ନାଙ୍କ ବିରୋଧରେ ତଦନ୍ତ କରିବେ । ତଦନ୍ତ ଜଣେ ଅବସରପ୍ରାପ୍ତ ବିଚାରପତିଙ୍କ ଅଧ୍ୟକ୍ଷତାରେ ଏକ ସମିତି ଗଠନ କରିବେ । ଏହାସହ ଏସଡିଏମ ଆୟୁଷଙ୍କୁ ତଦନ୍ତ ଶେଷ ହେବା ଯାଏଁ ଛୁଟିରେ ପଠାଯିବ ।
ସେହିପରି କୃଷକ ସଂଗଠନର ଦ୍ବିତୀୟ ଦାବି ମୃତ୍ୟୁ ବରଣ କରଥିବା ୨ କୃଷକଙ୍କ ପରିବାର ସଦସ୍ୟଙ୍କୁ ସରକାରୀ ଚାକିରୀ ଦେବାକୁ ସରକାର ପଦକ୍ଷେପ ନେବେ । ଅନ୍ୟପଟେ ଆଲୋଚନାକୁ ନେଇ କିଶାନ ୟୁନିୟନ କହିଛି, ସରକାରଙ୍କ ସହ ସକରାତ୍ମକ ଆଲୋଚନା ହୋଇଛି । ସରକାର ଆମ ଦାବି ବିଚାର କରଥିବାରୁ ଆମେ ଖୁସି ।
@IANS
