ରାୟପୁର: ଛତିଶଗଡରେ ପୁଣି ମାତିଲେ ଲାଲବାହିନୀ । ୩ ସାଧାରଣ ନାଗରିକଙ୍କୁ ହତ୍ୟା କରି ଆତଙ୍କ ଖେଳାଇଲେ ନକ୍ସଲ (Naxals killed 3 people in Chhattisgarh)। ବିଜାପୁର ଜିଲ୍ଲାର ବସ୍ତର ଡିଭିଜନରେ ନକ୍ସଲମାନେ ଏହି କାଣ୍ଡ ଘଟାଇଥିବା ପୋଲିସ ସୂଚନା ଦେଇଛି ।
ଏନେଇ ବସ୍ତର ରେଞ୍ଜ ଇନ୍ସପେକ୍ଟର ଜେନେରାଲ୍ ପି ସୁନ୍ଦରରାଜ କହିଛନ୍ତି ଯେ ବସ୍ତରର ଆଭ୍ୟନ୍ତରୀଣ ଅଞ୍ଚଳରେ ସିପିଆଇ ସହ ଜଡିତ ନକ୍ସଲ ତିନି ଜଣଙ୍କୁ ହତ୍ୟା କରିଛନ୍ତି । ଗତ ଜାନୁଆରୀ 6 ରେ ନକ୍ସଲମାନେ ନିଜ କ୍ୟାଡର ସଦସ୍ୟ କାମଲୁ ପୁନେମ ଓ ମିଲିଟାଣ୍ଟ ସଦସ୍ୟ ମାଙ୍ଗିଙ୍କୁ ହତ୍ୟା କରିଥିଲେ। ଉଭୟ ବିବାହ କରିବା ପାଇଁ ନକ୍ସଲ କ୍ୟାମ୍ପ ଛାଡିଥିଲେ । ବର୍ତ୍ତମାନ ସୁଦ୍ଧା ତୃତୀୟ ମୃତକଙ୍କ ବିଷୟରେ ସବିଶେଷ ତଥ୍ୟ ମିଳିନାହିଁ । ଏନେଇ ବିଜାପୁର ପୋଲିସ ତଦନ୍ତ ଜାରି ରଖିଛି ।
