ଚଣ୍ଡିଗଡ: ପଞ୍ଜାବ ପଟିଆଲାସ୍ଥିତ ବାସଭବନରେ କଳା ପତାକା ଉଡାଇଲେ କଂଗ୍ରେସ ବିଧାୟକ ନବଜ୍ୟୋତ ସିଂ ସିଦ୍ଧୁ । କୃଷି ଆଇନ ବିରୋଧୀ କୃଷକ ଆନ୍ଦୋଳନକୁ ସମର୍ଥନ କରି ବିଧାୟକ ନବଜ୍ୟୋତ ନିଜ ବାସଭବନର ଛାତ ଉପରେ ଏଭଳି ପତାକା ଉଡାଇଛନ୍ତି । ଏହି ସମୟରେ ତାଙ୍କ ପତ୍ନୀ ନବଜତ କୌର ସିଦ୍ଧୁ ମଧ୍ୟ ଉପସ୍ଥିତ ଥିଲେ । ସେପଟେ ଅମୃତସର ସ୍ଥିତ ବାସଭବନରେ ନବଜ୍ୟୋତଙ୍କ ଝିଅ ରବିଆ ମଧ୍ୟ କୃଷକ ଆନ୍ଦୋଳନ ସମର୍ଥନରେ କଳା ପତକା ପ୍ରଦର୍ଶନ କରିଛନ୍ତି ।
ସୂଚନାଯୋଗ୍ୟ, ଗତକାଲି(ସୋମବାର) କଂଗ୍ରେସ ବିଧାୟକ ନବଜ୍ୟୋତ ଟ୍ବିଟ୍ ଯୋଗ କହିଥିଲେ କି 'କୃଷକ ଆନ୍ଦୋଳନକୁ ସମର୍ଥନ ପୂର୍ବକ ମୁଁ ଆସନ୍ତାକାଲି(ମଙ୍ଗଳବାର) ସକାଳ 9ଟା 30 ମିନିଟ୍ ସମୟରେ ମୋର ଉଭୟ ପଟିଆଲା ଓ ଅମୃତସରସ୍ଥିତ ବାସଭବନରେ କଳା ପତାକା ଉତ୍ତୋଳନ କରିବି । ସମସ୍ତଙ୍କୁ ଅନୁରୋଧ, ଯେପର୍ଯ୍ୟନ୍ତ କୃଷି ଆଇନ ପ୍ରତ୍ୟାହାର ନ ହୋଇଛି କିମ୍ବା ରାଜ୍ୟ ସରକାରଙ୍କ ମାଧ୍ୟମରେ ନିଶ୍ଚିତ ସର୍ବନିମ୍ନ ସହାୟକ ମୂଲ୍ୟ ଏବଂ ଶସ୍ୟ ସଂଗ୍ରହର କୌଣସି ବିକଳ୍ପ ପଦ୍ଧତି ନ ଆସିଛି, ସେ ପର୍ଯ୍ୟନ୍ତ ଆପଣମାନେ ମୋ ଭଳି କଳା ପତକା ପ୍ରଦର୍ଶନ କରନ୍ତୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
