ମୁମ୍ବାଇ: ମହାରାଷ୍ଟ୍ର ଥାନେ ଅଞ୍ଚଳରେ ଘଟିଛି ଦୁଃଖଦ ଘଟଣା । ୨ଦିନ ପରେ ପାଣିଟାଙ୍କିରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ । ଏପ୍ରିଲ ୩ ତାରିଖରୁ ୯ବର୍ଷର ଶିଶୁଟି ନିଖୋଜ ଥିବା ବେଳେ ଘର ନିକଟରେ ଥିବା ଏକ ପାଣିଟାଙ୍କିରୁ ଗଳିତ ମୃତଦେହକୁ ଉଦ୍ଧାର କରିଛି ମହାରାଷ୍ଟ୍ର ଥାନେ ପୋଲିସ । ଝିଅଟି ଅଣ୍ଡା କିଣିବାକୁ ଘରୁ ବଜାରକୁ ଯାଇଥିଲା । ଏହାପରଠୁ ସେ ନିଖୋଜ ହୋଇଯାଇଥିବା ବେଳେ ୨ ଦିନ ପରେ ତାର ମୃତଦେହକୁ ଉଦ୍ଧାର କରାଯାଇଛି ।
ଶାନ୍ତି ନଗର ପୋଲିସ ଷ୍ଟେସନର ଥାନା ଅଧିକାରୀଙ୍କ ସୂଚନା ଅନୁସାରେ ମୃତ ଶିଶୁକନ୍ୟାଟି ଗତ ସୋମବାର ଅଣ୍ଡା କିଣିବା ଲାଗି ଘର ନିକଟ ଅମଜାଦିଆ ସ୍କୁଲ ଅଞ୍ଚଳରେ ଥିବା ଏକ ଦୋକାନକୁ ଯାଇଥିଲା । ହେଲେ ଅନେକ ସମୟ ବିତିଯାଇଥିଲେ ସୁଦ୍ଧା ଝିଅ ଘରକୁ ଫେରିନଥିଲା । ଏହାପରେ ଶିଶୁକନ୍ୟାର ପରିବାର ଆଖପାଖ ଚାରିଆଡ଼େ ଖୋଜାଖୋଜି କରିବା ପରେ ଝିଅଟିକୁ ଠାବ କରିବାରେ ଅକ୍ଷମ ହୋଇଥିଲେ । ଏହାପରେ ପରିବାର ଶାନ୍ତି ନଗର ଥାନାରେ ଏକ ନିଖୋଜ ଅଭିଯୋଗ କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିଲା ।
ଏହା ବି ପଢନ୍ତୁ- Dangerous Love: ପ୍ରେମକୁ ବିରୋଧ କଲେ ପ୍ରେମିକା ପରିବାର, ବାପା ମାଆ ଓ ଭଉଣୀକୁ ହାଣିଲା ପ୍ରେମିକ
ଆଖପାଖ ଅଞ୍ଚଳରେ ଖୋଜାଖୋଜି କରିବା ପରେ ଶିଶୁକନ୍ୟାର ମୃତଦେହ ଘର ପାଖ ଏକ ପାଣିଟାଙ୍କିରୁ ପଡ଼ିଥିବା ନେଇ ପୋଲିସକୁ ଖବର ମିଳିଥିଲା । ଏହାପରେ ପୋଲିସ ଉକ୍ତ ସ୍ଥାନରେ ପହଞ୍ଚି ଗତ ବୁଧବାର ଶିଶୁକନ୍ୟାର ମୃତଦେହକୁ ଉଦ୍ଧାର କରିଛି । ଉକ୍ତ ପାଣିଟାଙ୍କିରୁ ଦୁର୍ଗନ୍ଧ ବାହାରିବା ପରେ ସ୍ଥାନୀୟ ଲୋକେ ସନ୍ଦେହ କରିଥିଲେ । ଏହାପରେ ଉକ୍ତ ପାଣିଟାଙ୍କିକୁ ଦେଖିବା ପରେ ଶିଶୁକନ୍ୟାଟିର ମୃତଦେହ ଗଳିତ ଅବସ୍ଥାରେ ରହିଥିଲା । ଏହି ଖବର ପାଇବା ପରେ ସ୍ଥାନୀୟ ପୋଲିସ ଉକ୍ତ ପାଣିଟାଙ୍କି ନିକଟରେ ପହଞ୍ଚି ଶିଶୁକନ୍ୟାର ମୃତଦେହକୁ ଉଦ୍ଧାର କରିଛି ।
ପରିବାରର ଅଭିଯୋଗ ପରେ ପୋଲିସ ଏକ ଅପହରଣ ମାମଲା ରୁଜୁ କରି ତଦନ୍ତ କରୁଥିଲା । ଏବେ ଘଟଣାର ତଦନ୍ତ ପ୍ରକ୍ରିୟା ଜାରି ରହିଥିବା ବେଳେ ଶିଶୁକନ୍ୟାର ମୃତଦେହକୁ ନେଇ ଅନେକ ସନ୍ଦେହ ଜାତ ହୋଇଛି । ସେ ଉକ୍ତ ପାଣିଟାଙ୍କି ନିକଟରେ କେମିତି ପହଞ୍ଚିଲା ? ତାକୁ କିଏ ହତ୍ୟା କରି ସେଠାରେ ଫିଙ୍ଗିଛି ନା କୌଣସି ଅଘଟଣ ଘଟିଛି ? ତାହା ଉପରୁ ପରଦା ଉଠିପାରିନାହିଁ । ପୋଲିସ ଝିଅର ମୃତଦେହକୁ ବ୍ୟବଚ୍ଛେଦ ଲାଗି ପଠାଇଥିଲା । ତେବେ ବ୍ୟବଚ୍ଛେଦ ରିପୋର୍ଟ ଆସିବା ପରେ ଏ ନେଇ ସ୍ପଷ୍ଟ ହେବ ବୋଲି କହିଛି ପୋଲିସ । ସେପଟେ ଝିଅର ମୃତ୍ୟୁ ପରେ ପରିବାରରେ ଖେଳିଯାଇଛି ଶୋକର ଛାୟା ।
