ଜୟପୁର: ରାଜସ୍ଥାନର ଉଦୟପୁରରେ ଦିଲ୍ଲୀର ଶ୍ରଦ୍ଧା ଓ୍ବାକର ହତ୍ୟାକାଣ୍ଡ ପରି ଲୋମଟାଙ୍କୁରା ହତ୍ୟାକାଣ୍ଡର ପୁନରାବୃତ୍ତି ଦେଖିବାକୁ ମିଳିଛି । ଜଣେ 8 ବର୍ଷୀୟା ନାବାଳିକାକୁ ଦୁଷ୍କର୍ମ କରିବା ପରେ ମୃତଦେହକୁ ଖଣ୍ଡଖଣ୍ଡ କରି କାଟି ଫିଙ୍ଗି ଦେଇଛି ପଡୋଶୀ ଯୁବକ । ଗତକାଲି(ଶନିବାର) ଠାରୁ ନାବାଳିକାର ପରିବାର ନିଖୋଜ ନେଇ ସ୍ଥାନୀୟ ଥାନାରେ ଅଭିଯୋଗ କରିଥିଲେ । ଆଜି ଅପରାହ୍ନରେ ନାବାଳିକାର ଖଣ୍ଡ ବିଖଣ୍ଡିତ ମୃତଦେହ ଠାବ ହୋଇଛି । ଘଟଣାଟି ଉଦୟପୁରର ମାବଲୀ ଥାନା ଏରିଆରେ ଘଟିଛି ।
ପରିବାର ପକ୍ଷରୁ ହୋଇଥିବା ଅଭିଯୋଗ ଆଧାରରେ, ମାର୍ଚ୍ଚ 28ରେ, 8 ବର୍ଷୀୟ ନାବାଳିକା ଜଣକ ନିଜ ଘର ନିକଟବର୍ତ୍ତୀ କ୍ଷେତକୁ ଯାଇ ଆଉ ଆଉ ଘରକୁ ଫେରିନଥିଲା । ପରିବାର ଓ ଗ୍ରାମବାସୀ ସ୍ଥାନୀୟ ଅଞ୍ଚଳରେ ଖୋଜାଖୋଜି ପରେ ମଧ୍ୟ ନାବାଳିକା ସମ୍ପର୍କରେ କୌଣସି ସୂଚନା ପାଇନଥିଲେ । ପରେ ପରିବାର ସଦସ୍ୟ ସ୍ଥାନୀୟ ଥାନାରେ ଏକ ନିଖୋଜ ଏତଲା ଦେଇଥିଲେ । ହେଲେ ଆଜି(ରବିବାର) ଘର ନିକଟବର୍ତ୍ତୀ କ୍ଷେତର କିଛି ଦୂରରେ ଭିନ୍ନଭିନ୍ନ ସ୍ଥାନରେ ନାବାଳିକାର ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର ହୋଇଛି । ଦୁଷ୍କର୍ମ ପରେ ହତ୍ୟା ଓ ପ୍ରମାଣ ନଷ୍ଟ କରିବା ପାଇଁ ମୃତଦେହକୁ 10 ଖଣ୍ଡରେ କାଟି ଏଣେ ତେଣେ ଫିଙ୍ଗାଯାଇଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି ।
ଏହା ବି ପଢ଼ନ୍ତୁ ସୀମା ଟପିଲା ପାଶବିକତା, ଛେଳିକୁ ଦୁଷ୍କର୍ମ କରି ଅଭିଯୁକ୍ତ ଗିରଫ
ଘଟଣା ନେଇ ସ୍ଥାନୀୟ ଏସ.ପି ପ୍ରେସମିଟ୍ କରି ସୂଚନା ଦେଇଛନ୍ତି । ଏପରି କାଣ୍ଡ ଭିଆଇଥିବା ଅଭିଯୁକ୍ତ ଯୁବକ ନାବାଳିକାର ପଡୋଶୀ । ସେ ପ୍ରଲୋଭନ ଦେଖାଇ ପ୍ରଥମେ ନାବାଳିକାକୁ ଅପହରଣ କରି ଦୁଷ୍କର୍ମ କରିବା ସହ ହତ୍ୟା କରିଛି । ମୃତଦେହକୁ ନଷ୍ଟ କରିବା ପାଇଁ ଏକାଧିକ ଖଣ୍ଡରେ କାଟିଥିଲା । ମୃତଦେହ ଉଦ୍ଧାର କରାଯାଇ ନପାରିବା ଉଦ୍ଦେଶ୍ୟରେ ସେ ପ୍ରାୟ 10 ଖଣ୍ଡ କରି ଭିନ୍ନ ସ୍ଥାନରେ ଫିଙ୍ଗି ଫେରାର ହୋଇଯାଇଥିଲା । ତେବେ ଅନ୍ୟ ଏକ ଗୁରୁତ୍ବପୂର୍ଣ୍ଣ କଥା ହେଉଛି, ଅଭିଯୁକ୍ତ ମୋବାଇଲରେ ଏକ ଗେମ୍ ମଧ୍ୟ ଖେଳୁଥିଲା । ଏହି ଗେମ ପ୍ରଭାବରେ ସେ ଏପରି କିଛି କରିଥାଇପାରେ ବୋଲି ମଧ୍ୟ ପୋଲିସ ଅନୁମାନ କରୁଛି । ହେଲେ ଏହା କେଉଁ ପ୍ରକାର ଅନ-ଲାଇନ ଗେମ୍ ଥିଲା ସେନେଇ ପୋଲିସ କିଛି ସ୍ପଷ୍ଟ କରିନି । ସମ୍ପୃକ୍ତ ଅଭିଯୁକ୍ତକୁ ପୋଲିସ ଗିରଫ କରି ଜେରା ଜାରି ରଖିଛି ।
ବ୍ଯୁରୋ ରିପୋର୍ଟ, ଇଟିଭି ଭାରତ
