ଶ୍ରୀନଗର: କାଶ୍ମୀରର ପୁଲଓ୍ବାମାରେ ଆତଙ୍କୀଙ୍କ ଟାର୍ଗେଟରେ ଅଣ-ସ୍ଥାନୀୟ ବାସିନ୍ଦା । ଆଜି (ଶନିବାର) ଏଠାରେ ଜଣେ ଅଣ-ସ୍ଥାନୀୟ ବ୍ୟକ୍ତିଙ୍କୁ ଗୁଳମାଡ କରିଛନ୍ତି ଆତଙ୍କବାଦୀ । ପୁଲୱାମା ଜିଲ୍ଲାର ଆରିହାଲ ଗ୍ରାମରେ ବିଜନୋରେ ଏହି ଘଟଣା ଘଟିଛି । ତେବେ ଏଥିରେ ମହମ୍ମଦ ଆକ୍ରାମ ନାମକ ଜଣେ ଅଣସ୍ଥାନୀୟ ବ୍ୟକ୍ତି ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
ତାଙ୍କ ପେଟରେ ଗୁଳି ବାଜିବା ସହ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ରହିଛି । ଅନ୍ୟପଟେ ଖବର ପାଇ ସ୍ଥାନୀୟ ପୋଲିସ ତଦନ୍ତ ଆରମ୍ଭ କରିଛି । ପୂର୍ବରୁ ମଧ୍ୟ ଘାଟିରେ ସାଧାରଣ ଜନତା ଓ ଅଣସ୍ଥାନୀୟ ନାଗରିକ ଆତଙ୍କୀଙ୍କ ଆକ୍ରମଣର ଶିକାର ହେବାର ନଜିର ମଧ୍ୟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
