ଓଡ଼ିଶାକୁ ବହୁ ପଛକୁ ଠେଲି ଦେଇଛି ବିଜେଡି: ଖଡ୍‌ଗେ

Mallikarjun Kharge target BJD: ବିଜେଡି ସରକାରକୁ କଂଗ୍ରେସ ହାଇକମାଣ୍ଡଙ୍କ ଟାର୍ଗେଟ୍‌ । ବିଜେଡି ଓଡ଼ିଶାରେ ପରିବର୍ତ୍ତନ ଆଣିବାକୁ ପ୍ରତିଶ୍ରୁତି ଦେଇଥିଲା କିନ୍ତୁ ଓଲଟା ରାଜ୍ୟକୁ ବହୁ ପଛକୁ ଠେଲି ଦେଇଛି ବୋଲି କହିଲେ ଖଡ଼ଗେ । ଅଧିକ ପଢ଼ନ୍ତୁ

ଭୁବନେଶ୍ବର: ୨୪ ବର୍ଷର ବିଜେଡି ସରକାର ଓଡ଼ିଶାକୁ ପଛକୁ ଠେଲି ଦେଇଛି । ଦୁର୍ନୀତି, ବେକାରୀ ସମସ୍ୟା, ମୁଦ୍ରାସ୍ଫୀତି, ଚାଷୀଙ୍କ ଦୁର୍ଦ୍ଦଶା, ଆଦିବାସୀ ଓ ଦୁର୍ବଳ ବର୍ଗଙ୍କ ଉପରେ ଅତ୍ୟାଚାର ଯୋଗୁଁ ଓଡ଼ିଶାବାସୀ ଅତିଷ୍ଠ ହୋଇଗଲେଣି । ବିଜେଡି ଓଡ଼ିଶାରେ ପରିବର୍ତ୍ତନ ଆଣିବାକୁ ପ୍ରତିଶ୍ରୁତି ଦେଇଥିଲା । କିନ୍ତୁ ଏହା ବାସ୍ତବରେ ରାଜ୍ୟକୁ ବହୁ ପଛକୁ ଠେଲି ଦେଇଛି । ବୁଧବାର ଦିଲ୍ଲୀରେ ଓଡ଼ିଶାର କଂଗ୍ରେସ ନେତାଙ୍କ ସହ ବୈଠକ କରିବା ପରେ ଏପରି ଟ୍ବିଟ୍ କରି ବିଜେଡି ସରକାରକୁ ଟାର୍ଗେଟ କରିଛନ୍ତି କଂଗ୍ରେସ ହାଇକମାଣ୍ଡ ମଲ୍ଲିକାର୍ଜୁନ ଖଡ଼ଗେ । ବିଜେପି ଓ ବିଜେଡି ମିଶି ଓଡ଼ିଶାକୁ ସବୁ କ୍ଷେତ୍ରରେ ପଛକୁ ଠେଲି ଦେଇଛନ୍ତି ବୋଲି ସେ ଅଭିଯୋଗ କରିଛନ୍ତି ।

• The people of Odisha are fed up of corruption, unemployment, inflation, farm distress and ill treatment to tribals and weaker sections.
  
  BJD had promised to transform Odisha, but pushed the state backwards. It is also hand in glove with the BJP and Modi Govt.
  
  Congress party… pic.twitter.com/CD0cDfh6bB

  — Mallikarjun Kharge (@kharge) December 20, 2023 " class="align-text-top noRightClick twitterSection" data="

  The people of Odisha are fed up of corruption, unemployment, inflation, farm distress and ill treatment to tribals and weaker sections.
  
  BJD had promised to transform Odisha, but pushed the state backwards. It is also hand in glove with the BJP and Modi Govt.
  
  Congress party… pic.twitter.com/CD0cDfh6bB

  — Mallikarjun Kharge (@kharge) December 20, 2023

  ">

  The people of Odisha are fed up of corruption, unemployment, inflation, farm distress and ill treatment to tribals and weaker sections.
  
  BJD had promised to transform Odisha, but pushed the state backwards. It is also hand in glove with the BJP and Modi Govt.
  
  Congress party… pic.twitter.com/CD0cDfh6bB

  — Mallikarjun Kharge (@kharge) December 20, 2023

ବୁଧବାର ଦିଲ୍ଲୀ କଂଗ୍ରେସ ମୁଖ୍ୟାଳୟରେ ଓଡ଼ିଶା କଂଗ୍ରେସ ନେତାଙ୍କ ବୈଠକ ବସିଥିଲା । ଏଥିରେ ପିସିସି ସଭାପତି ଶରତ ପଟ୍ଟନାୟକଙ୍କ ସମେତ ପୂର୍ବତନ ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ନରସିଂହ ମିଶ୍ର, ତାରାପ୍ରସାଦ ବାହିନୀପତି, ସନ୍ତୋଷ ସିଂ ସାଲୁଜା ପ୍ରମୁଖ ଉପସ୍ଥିତ ରହିଥିଲେ । ସାଧାରଣ ନିର୍ବାଚନ ପାଖେଇ ଆସୁଥିବାରୁ ବିଜେଡିକୁ ଗାଦିତ୍ୟୁତ କରିବାକୁ ନିର୍ବାଚନ ରଣନୀତି ପ୍ରସ୍ତୁତ ସହିତ ୨୪ ଲଢ଼େଇ ପାଇଁ ଓଡ଼ିଶାର କଂଗ୍ରେସ ନେତାଙ୍କ କାନରେ ଗୁରୁମନ୍ତ୍ର ଫୁଙ୍କୁଥିଲେ ଖଡ଼ଗେ ।

ବୈଠକରେ ଓଡ଼ିଶା କଂଗ୍ରେସ ପ୍ରଭାରୀ ଏ. ଚେଲ୍ଲାକୁମାର ଅଭିଯୋଗ କରିଥିଲେ ଯେ, ବିଜେଡି ସରକାର ବ୍ୟାପକ ଦୁର୍ନୀତିରେ ଲିପ୍ତ । ବର୍ଷ ବର୍ଷ ଧରି ଚାଲିଥିବା ବିଜେଡି ସରକାରର ଦୁର୍ନୀତିର ପର୍ଦ୍ଦାଫାସ କରିବା ପାଇଁ ଖୁବଶୀଘ୍ର ଓଡ଼ିଶା କଂଗ୍ରେସ ଚାର୍ଜସିଟ୍‌ ଆଣିବ ଏବଂ ଲୋକଙ୍କ ପାଖକୁ ଯାଇ ଜନମତ ସଂଗ୍ରହ କରିବ । ବିଜେଡି ଶାସନ କାଳରେ ଖଣି, ଚିଟଫଣ୍ଡ୍‌ ଦୁର୍ନୀତି ଭଳି ଏକାଧିକ ମହାଦୁର୍ନୀତି ହୋଇଛି । ଏହା ବିରୋଧରେ କଂଗ୍ରେସ ରାଜନୈତିକ ଅଭିଯାନ ଚଳାଇବ ବୋଲି ପିସିସି ସଭାପତି ଶରତ ପଟ୍ଟନାୟକ କହିଛନ୍ତି ।

ଓଡ଼ିଶାରେ ଲୋକସଭା ଓ ବିଧାନସଭା ନିର୍ବାଚନ ଏକାସାଙ୍ଗରେ ହେଉଥିବାରୁ ସାଙ୍ଗଠନିକ ପ୍ରସଙ୍ଗରେ ଆଲୋଚନା ପାଇଁ ପିସିସି ସଭାପତି ଶରତ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା କଂଗ୍ରେସ ଟିମ୍ ଦିଲ୍ଲୀ ଯାଇଥିଲେ । ଦଳର ହାଇକମାଣ୍ଡ ଖଡ଼ଗେଙ୍କ ନେତୃତ୍ୱରେ ପାର୍ଟି ମୁଖ୍ୟାଳୟରେ ବୈଠକ ବସିଥିଲା । ବୈଠକରେ ୨ ଘଣ୍ଟା ଧରି ମାନସ ମନ୍ଥନ ହୋଇଥିଲା । ସଂଗଠନକୁ ଅଧିକ କ୍ରିୟାଶୀଳ କରିବା ସହିତ ଲୋକଙ୍କ ନିକଟତର ହେବାକୁ ରଣନୀତି ପ୍ରସ୍ତୁତ କରିବାକୁ କେନ୍ଦ୍ରୀୟ ନେତା ଆହ୍ୱାନ ଦେଇଥିଲେ ।