ମୁମ୍ବାଇ: ଦିନକୁ ଦିନ ଦେଶରେ ବୃଦ୍ଧି ପାଇବାରେ ଲାଗିଛି କୋରୋନାର ଦୈନିକ ସଂକ୍ରମଣ । କ୍ରମାଗତ ଚତୁର୍ଥ ଦିନରେ ମଧ୍ୟ ଦେଶରେ ତିନି ଲକ୍ଷରୁ ଅଧିକ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଯାହା ବିଶ୍ବରେ ଆଜି ପର୍ଯ୍ୟନ୍ତ କୌଣସି ଦେଶରେ ହୋଇନାହିଁ । ଆଜି ଦେଶରେ 3 ଲକ୍ଷ 46 ହଜାରରୁ ଉର୍ଦ୍ଧ୍ବ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ 2ହଜାର 624 ଜଣଙ୍କ ମୁଣ୍ଡ ନେଇଛି ମହାମାରୀ ।
ସେପଟେ ମହାରାଷ୍ଟ୍ରରେ ଅଣାୟତ ହେଲାଣି କରୋନା ସ୍ଥିତି । ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ 66ହଜାର 191 ଜଣ ସଂକ୍ରମିତ ହୋଇଥିବା ବେଳେ 832 ଜଣ କରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ସଂକ୍ରମଣକୁ ଦୃଷ୍ଟିରେ ରଖି ଆଜି ମହାରାଷ୍ଟ୍ର ସରକାର 18 ରୁ 45 ବର୍ଷ ମଧ୍ୟରେ ଲୋକଙ୍କୁ ମାଗଣାରେ କରୋନା ଟିକା ଦିଆଯିବା ନେଇ ଘୋଷଣା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
