ଇଟାନଗର: ଅରୁଣାଞ୍ଚଳ ପ୍ରଦେଶରେ ଅନୁଭୂତ ହୋଇଛି ମୃଦୁ ଭୂକମ୍ପ । ଆଜି ସନ୍ଧ୍ୟା ପ୍ରାୟ ସାଢେ ୫ଟାବେଳେ ଅନୁଭୂତ ହୋଇଥିବା ଭୂକମ୍ପର ତୀବ୍ରତା ରିକ୍ଟର ସ୍କେଲରେ 4.4 ଥିବା ରେକର୍ଡ କରାଯାଇଛି । ତେବେ ଏଥିରେ କୌଣସି କ୍ଷୟକ୍ଷତି ହୋଇ ନ ଥିବା ସୂଚନା ରହିଛି ।
ମିଳିଥିବା ସୂଚନା ଅନୁସାରେ, ଅରୁଣାଞ୍ଚଳ ପ୍ରଦେଶର ଚାଙ୍ଗଲାଙ୍ଗରେ ସନ୍ଧ୍ୟା ପ୍ରାୟ ୫.35ରେ ଭୂକମ୍ପର କମ୍ପନ ଅନୁଭୂତ ହୋଇଥିଲା। ଲୋକମାନେ ଘର ବାହାରକୁ ଧାଇଁବା ଆରମ୍ଭ କରିଥିବା ଦେଖିବାକୁ ମିଳିଥିଲା । ତେବେ ଏହାର ଉତ୍ପତିସ୍ଥଳ ଏପର୍ଯ୍ୟନ୍ତ ସ୍ପଷ୍ଟ କରାଯାଇ ନ ଥିବାବେଳେ ଏହାର ତୀବ୍ରତା 4.4 ଥିବା ସ୍ପଷ୍ଟ କରାଯାଇଛି । ଏହାର କମ୍ପନ ମାତ୍ରା ସାମାନ୍ୟ ଥିବାରୁ ରାଜ୍ୟର କୌଣସି ସ୍ଥାନରେ ଅଘଟଣ ଘଟିଥିବାର ସୂଚନା ରେକର୍ଡ ହୋଇ ନ ଥିବା ସରକାରୀ ଭାବେ କୁହାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
