ନୂଆଦିଲ୍ଲୀ: ସ୍ଥଳସେନାର ପରବର୍ତ୍ତୀ ନୂଆ ମୁଖ୍ୟ (COAS)ହେବେ ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ । ଜେନେରାଲ ପାଣ୍ଡେ ବର୍ତ୍ତମାନ ସେନାର ଉପମୁଖ୍ୟ ଭାବେ ଦାୟିତ୍ବରେ ରହିଛନ୍ତି । ଜେନେରାଲ ଏମଏମ ନରଓ୍ବାଣଙ୍କ ଠାରୁ ସେ ଏହି ଦାୟିତ୍ବ ଗ୍ରହଣ କରିବେ । ଜଣେ ଇଞ୍ଜିନିୟର ଭାବେ ସ୍ଥଳସେନାର ସର୍ବୋଚ୍ଚ ପଦବୀରେ ପହଞ୍ଚିଥିବା ପ୍ରଥମ ଅଧିକାରୀ ହେଉଛନ୍ତି ଜେନେରାଲ ପାଣ୍ଡେ ।
ଚଳିତମାସ ଶେଷ ସୁଦ୍ଧା ଚଳିତ ସ୍ଥଳସେନା ଅଧ୍ୟକ୍ଷ ଜେନେରାଲ ନରଓ୍ବାଣେଙ୍କ କର୍ଯ୍ୟକାଳ ଶେଷ ହେଉଛି । ତେବେ ନୂଆ ଆର୍ମୀଚିଫ୍ ନେଇ ଲାଗି ରହିଥିବା କଳ୍ପନାଜଳ୍ପନା ଶେଷ ହୋଇଥିବା ବେଳେ CDS ନେଇ କୌଣସି ନିଷ୍ପତ୍ତି ନିଆଯାଇନାହିଁ । ଅନ୍ୟ ଏକ ଚର୍ଚ୍ଚା ଅନୁସାରେ ଜେନେରାଲ ଏମ.ଏମ ନରଓ୍ବାଣେ ସ୍ଥଳସେନା ଅଧ୍ୟକ୍ଷ ପଦରୁ ଅବ୍ୟାହତି ନେବା ପରେ ତାଙ୍କୁ ହିଁ ପ୍ରତିରକ୍ଷା ପ୍ରମୁଖ (CDS) ଭାବେ ଦାୟିତ୍ବରେ ଅବସ୍ଥାପିତ କରାଯାଇପାର ଚର୍ଚ୍ଚା ହେଉଛି ।
