ଶ୍ରୀନଗର: ଶନିବାର ସନ୍ଧ୍ୟାରେ କାଶ୍ମୀରର କୁଲଗାମରେ ହୋଇଥିବା ଏନାକାଉଣ୍ଟର ଆଜି ଶେଷ ହୋଇଛି । ଏହି ଏନକାଉଣ୍ଚରରେ ନିହତ ହୋଇଥିବା ଦୁଇ ଆତଙ୍କୀଙ୍କ ପରିଚୟ ସ୍ପଷ୍ଟ ହୋଇଛି । ଦୁଇ ନିହତ ଆତଙ୍କବାଦୀ ଜୈସ-ଏ-ମହମ୍ମଦର ସକ୍ରିୟ ସଦସ୍ୟ ଥିଲେ ବୋଲି ଜଣାପଡିଛି । ଦୁଇ ନିହତ ଆତଙ୍କୀ ସୁଲତାନ ପଠାନ ଓ ଜାବିହୁଲ୍ଲା । ଏନେଇ ସବିଶେଷ ତଥ୍ୟ ରଖିଛି କାଶ୍ମୀର ପୋଲିସ ।
ଗତକାଲି ଉକ୍ତ ଅଞ୍ଚଳରେ ଆତଙ୍କୀ ଗତିବିଧି ନେଇ ଗୁଇନ୍ଦା ସୂଚନା ମିଳିବା ପରେ ସ୍ଥାନୀୟ ପୋଲିସ ଓ ଅର୍ଦ୍ଧ୍ବ-ସାମରିକ ବାହିନୀ ସର୍ଚ୍ଚ ଅପରେସନ ଆରମ୍ଭ କରିଥିଲେ । ପରେ ଗୁଳି ବିନିମୟରେ ଦୁଇ ଆତଙ୍କୀଙ୍କୁ ନିପାତ କରିବାରେ ସେନା ସଫଳ ହୋଇଥିଲା ।
ଅନ୍ଧାର ଯୋଗୁ ଏନକାଉଣ୍ଟର ସ୍ଥିଗିତ ରଖାଯାଇଥିବା ବେଳେ ଆଜି ସକାଳୁ ପୁଣି ଥରେ ସର୍ଚ୍ଚ ଅପରେସନ ଆରମ୍ଭ କରିଥିଲେ ସୁରକ୍ଷା ବଳ । ତେବେ ଘଟଣାସ୍ଥଳରେ ଆଉ ଆତଙ୍କବାଦୀଙ୍କ ଉପସ୍ଥିତି ନଥିବା ସ୍ପଷ୍ଟ ହେବା ପରେ ଆଜି ପୂର୍ବାହ୍ନରେ ଏହି ଏନକାଉଣ୍ଟର ଅପରେସନ ଶେଷ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
