ଥିରୁଅନନ୍ତପୁରମ: ଗତକାଲି ରାତିରେ କେରଳ ରାଜ୍ୟପାଳ ଆରିଫ ମହମ୍ମଦ ଖାନଙ୍କ କାଫିଲା ଓ ତାଙ୍କ କାରକୁ ହୋଇଥିବା ଆକ୍ରମଣ ଘଟଣାରେ କେରଳ ରାଜନୀତି ଉଷ୍ମ ହେବାରେ ଲାଗିଛି । ରାଜ୍ୟପାଳ ଖାନ ଏହାକୁ ସୁରକ୍ଷା ତ୍ରୁଟି ନୁହେଁ ବରଂ ମୁଖ୍ୟମନ୍ତ୍ରୀ ପିନାରୟୀ ବିଜୟନଙ୍କ ନିର୍ଦ୍ଦେଶରେ କରାଯାଇଥିବା ଗୁଣ୍ଡାଗର୍ଦ୍ଦି ବୋଲି କହିଛନ୍ତି । ଆଜି ସଂଧ୍ୟାରେ ଥିରୁଅନନ୍ତପୁରମ ପୋଲିସ କମିଶନର ଘଟଣାର ତଦନ୍ତ ରିପୋର୍ଟ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କୁ ପ୍ରଦାନ କରିଛନ୍ତି ।
-
#WATCH | Thiruvananthapuram: On SFI's black flag protest against him, Kerala Governor Arif Mohammed Khan says, "Today the 'gundas' are trying to rule the roads of Thiruvananthapuram. When they came, I stopped my car and I got down (from my car). Why did they flee?... Because I do… pic.twitter.com/sk3BybaPqc
— ANI (@ANI) December 11, 2023 " class="align-text-top noRightClick twitterSection" data="
">#WATCH | Thiruvananthapuram: On SFI's black flag protest against him, Kerala Governor Arif Mohammed Khan says, "Today the 'gundas' are trying to rule the roads of Thiruvananthapuram. When they came, I stopped my car and I got down (from my car). Why did they flee?... Because I do… pic.twitter.com/sk3BybaPqc
— ANI (@ANI) December 11, 2023#WATCH | Thiruvananthapuram: On SFI's black flag protest against him, Kerala Governor Arif Mohammed Khan says, "Today the 'gundas' are trying to rule the roads of Thiruvananthapuram. When they came, I stopped my car and I got down (from my car). Why did they flee?... Because I do… pic.twitter.com/sk3BybaPqc
— ANI (@ANI) December 11, 2023
ସୂଚନା ଅନୁସାରେ, ଗତକାଲି (ସୋମବାର) ରାତିରେ ରାଜ୍ୟପାଳଙ୍କ ଏକ କାର୍ଯ୍ୟକ୍ରମକୁ ଯିବାବେଳେ ଏସଆଇଏଫ ପକ୍ଷରୁ ବିରୋଧ କରାଯାଇଥିଲା । କେତକ କର୍ମୀ ହାତରେ କଳାପତାକା ଧରି ରାଜ୍ୟପାଳଙ୍କ କାଫିଲା ସୁରକ୍ଷା ଭେଦ କରି ରାଜ୍ୟପାଳ ବସିଥିବା ଗାଡି ନିକଟରେ ପହଞ୍ଚିବାରେ ସଫଳ ହୋଇଥିଲେ । ସେମାନେ ରାଜ୍ୟାପାଳଙ୍କୁ ବିରୋଧ କରିବା ସହ ନାରାବାଜୀ କରିଥିଲେ । ଏପରିକି ସେମାନେ କାରକୁ ଧକ୍କା ମାରିବା ସହ ରାଜ୍ୟପାଳଙ୍କୁ ଭୟଭୀତ କରିବା ପାଇଁ ମଧ୍ୟ ଉଦ୍ୟମ କରିଥିଲେ । ନିକଟରେ ରାଜ୍ୟପାଳଙ୍କ ସୁରକ୍ଷାକର୍ମୀ ଓ ପୋଲିସ ଥିଲେ ସୁଦ୍ଧା କିଛି ସମୟ ପାଇଁ ଅପ୍ରତିକର ସ୍ଥିତି ସୃଷ୍ଟି ହୋଇଥିଲା । ରାଜ୍ୟପାଳ ଖାନ କାରରୁ ଓହ୍ଲାଇ ପଡିଥିଲେ । ପ୍ରଦର୍ଶନକାରୀମାନେ ଘଟଣାସ୍ଥଳରୁ ଚାଲିଯାଇଥିବା ଜଣାପଡିଥିଲା ।
ତେବେ ଏହି ମାମଲାରେ ସିଧା ମଖ୍ୟମନ୍ତ୍ରୀ ବିଜୟନଙ୍କ ଉପରେ ବର୍ଷିଛନ୍ତି ରାଜ୍ୟପାଳ ଖାନ । ମୁଖ୍ୟମନ୍ତ୍ରୀ ବିଜୟନଙ୍କ ନିର୍ଦ୍ଦେଶରେ ତାଙ୍କ ଉପରେ ଆକ୍ରମଣ ପାଇଁ ଏଭଳି ଷଡଯନ୍ତ୍ର କରାଯାଇଥିଲା । ତାଙ୍କୁ ଆକ୍ରମଣ କରିବାକୁ ମୁଖ୍ୟମନ୍ତ୍ରୀ ଗୁଣ୍ଡା ପଠାଇଥିଲେ ବୋଲି ସାଂଘାତିକ ଅଭିଯୋଗ ଆଣିଥିଲେ ରାଜ୍ୟପାଳ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଏପରି କରି ତାଙ୍କୁ ଭୟଭୀତ କରିବାକୁ ଉଦ୍ୟମ କରାଯାଇଛି । ସେ ଭୟଭୀତ ହେବା ଲୋକ ନୁହନ୍ତି ବୋଲି ରାଜ୍ୟପାଳ କହିଛନ୍ତି ।
ଏହା ମଧ୍ୟ ପଢନ୍ତୁ :- ବୈଠକ ପୂର୍ବରୁ ପଛଧାଡ଼ିରେ ବସିଥିଲେ, ଭେଟେରାନଙ୍କୁ ପଛରେ ପକାଇ ମୁଖ୍ୟମନ୍ତ୍ରୀ ହେଲେ ନବାଗତ ବିଧାୟକ
ତେବେ ରାଜ୍ୟପାଳଙ୍କ ପରି ରାଜ୍ୟର ସର୍ବୋଚ୍ଚ ସାମ୍ବିଧାନିକ ପଦବୀରେ ଥିବା ବ୍ୟକ୍ତିଙ୍କ ସୁରକ୍ଷାରେ ତ୍ରୁଟିକୁ ନେଇ ପୋଲିସ ବ୍ୟବସ୍ଥା ଉପରେ ପ୍ରଶ୍ନ ଉଠିଛି । ଏହି ଘଟଣାର ତଦନ୍ତ ଥିରୁଅନନ୍ତପୁରମ ପୋଲିସ କମିଶନର କରିଥିଲେ । ଏହି ତଦନ୍ତ ସମ୍ପର୍କିତ ରିପୋର୍ଟ ସେ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କ ନିକଟରେ ଦାଖଲ କରିଥିବା ଜଣାପଡିଛି । ତେବେ ପୂର୍ବରୁ କେରଳରେ ରାଜ୍ୟପାଳ ଓ ସରକାରଙ୍କ ମଧ୍ୟରେ ବିବାଦ ରହିଥିବା ବେଳେ ଏହି ଘଟଣା ରାଜ୍ୟ ରାଜନୀତିକୁ ଆହୁରି ଉଷ୍ମ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
