ଥିରୁଅନନ୍ତପୁରମ: କେରଳ ବିଧାନସଭା ସର୍ବସମ୍ମତି କ୍ରମେ ଲାକ୍ଷାଦ୍ବୀପର ପ୍ରଶାସକଙ୍କୁ ଡାକିବା ପାଇଁ ସଂକଳ୍ପ ପାରିତ କରିଛି । ଏହାସହିତ ଲାକ୍ଷାଦ୍ବୀପ ପ୍ରସଙ୍ଗରେ କେନ୍ଦ୍ରର ହସ୍ତକ୍ଷେପ ଲୋଡ଼ିବାକୁ ବିଧାନସଭା ନିଷ୍ପତ୍ତି ନେଇଛି ବୋଲି ସୂଚନା ମିଳିଛି ।
ମୁଖ୍ୟମନ୍ତ୍ରୀ ପିନାରାୟୀ ବିଜୟନ ବିରୋଧୀଦଳର ସମର୍ଥନ ସହିତ 118 ନିୟମ ଅନୁଯାୟୀ ଗୃହରେ ଏକ ସରକାରୀ ସଂକଳ୍ପ ଉପସ୍ଥାପନ କରିଥିଲେ । ଦ୍ବୀପର ଲୋକଙ୍କ ଜୀବନ ଓ ଜୀବିକା ବଞ୍ଚାଇବା ପାଇଁ କେନ୍ଦ୍ରର ତୁରନ୍ତ ହସ୍ତକ୍ଷେପ କରିବାକୁ ସଂକଳ୍ପରେ କୁହାଯାଇଛି । ଏହାସହ ଲାକ୍ଷାଦ୍ବୀପ ପ୍ରଶାସକଙ୍କ ପ୍ରତ୍ୟାହାର ପାଇଁ ଦାବି କରିଛି । ତେବେ ମେ’ 24 ତାରିଖରେ ନବନିର୍ବାଚିତ ବିଧାୟକଙ୍କ ଶପଥ ପାଠ ପରେ 15ତମ ବିଧାନସଭାର ପ୍ରଥମ ଅଧିବେଶନ ଆରମ୍ଭ ହୋଇଥିଲା ।
@ANI
