ରାଞ୍ଚି: ଝାଡଖଣ୍ତ ପୋଲିସ ଓ ସିଆରପିଏଫ ଯବାନଙ୍କୁ ସଫଳତା । ହାର୍ଡକୋର ନକ୍ସଲ ରମେଶ ଗଞ୍ଜୁ ଆକା ଆଜାଦକୁ ଗିରଫ କରାଯାଇଛି । ତାଙ୍କ ମୁଣ୍ତ ଉପରେ ୧୫ ଲକ୍ଷ ଟଙ୍କାର ପୁରସ୍କାର ରାଶି ସରକାରଙ୍କ ପକ୍ଷରୁ ଘୋଷଣା କରାଯାଇଥିଲା । ଏନେଇ ଛାଡଖଣ୍ତ ପୋଲିସ ପକ୍ଷରୁ ସୂଚନା ମିଳିଛି ।
ସୂଚନା ଅନୁସାରେ, ପୋଲିସ ଓ ସିଆରପିଏଫଙ୍କ ମିଳିତ ଉଦ୍ୟମରେ ଆରମ୍ଭ ହୋଇଥିଲା ମାଓ ଦମନ ଅଭିଯାନ । ରମେଶ ନିଜ ସମ୍ପର୍କୀୟଙ୍କୁ ଦେଖା କରିବା ପାଇଁ ସେହି ଅଞ୍ଚଳକୁ ଆସିଥିଲେ । ଏହି ସମୟରେ ତାଙ୍କୁ କାବୁ କରି ନେଇଥିଲେ ସୁରକ୍ଷାକର୍ମୀ । ତା ନାଁରେ ଝାଡଖଣ୍ତ ଓ ବିହାର ଥାନାରେ ୪୫ରୁ ଅଧିକ ମାମଲା ରହିଛି । ଗତ ୨୦ରୁ ୩୦ ବର୍ଷ ମଧ୍ୟରେ ରମେଶ ୩୦ ଜଣରୁ ଅଧିକ ପୋଲିସଙ୍କୁ ହତ୍ୟା କରିଥିହା ରେକର୍ଡ ମଧ୍ୟ ରହିଛି ।
କେବଳ ସେତିକି ନୁହଁ, ସେ ଲ୍ୟାଣ୍ତ ମାଇନ ଲଗାଇବାରେ ଧୁରନ୍ଦର ହୋଇଥିବା ପୋଲିସ ପକ୍ଷରୁ ସୂଚନା ମିଳିଛି । ଦୀର୍ଘ ଦିନ ଧରି ପୋଲିସ ଓ ସୁରକ୍ଷା ବାହିନୀଙ୍କ ଆଖିରେ ଧୂଳି ଦେଇ ବିଭିନ୍ନ ଅଘଟଣ ଘଟାଉଥିଲା ।
@ANI
