ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 73ତମ ଜନ୍ମଦିନ । ଦେଶ ଓ ବିଶ୍ବର ବିଭିନ୍ନ ସ୍ଥାନରୁ ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଶୁଭେଚ୍ଛା ବାର୍ତ୍ତା ଆସିବାରେ ଲାଗିଛି । ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନୀ ଆଜି ଏକ୍ସରେ ଟ୍ବିଟ୍ କରି ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ମୋଦିଙ୍କୁ ଜଣେ ଭଲ ବନ୍ଧୁ ଭାବେ ଅବିହିତ କରିଛନ୍ତି ମେଲୋନୀ । ଦୁଇ ଦେଶର ସୁସମ୍ପର୍କରେ କଥା ମଧ୍ୟ ସେ ଶୁଭେଚ୍ଛା ବାର୍ତ୍ତାରେ ଉଲ୍ଲେଖ କରିଛନ୍ତି । ମୋଦିଙ୍କୁ ଟ୍ୟାଗ୍ କରି ମେଲୋନୀ ଟ୍ବିଟରେ ଲେଖିଛନ୍ତି,"ଜନ୍ମଦିନର ଶୁଭେଚ୍ଛା । ଭବିଷ୍ୟତ ଗଠନ ପାଇଁ ଜଣେ ପ୍ରତିବଦ୍ଧ ବନ୍ଧୁ ।"
-
Auguri di buon compleanno @narendramodi.
— Giorgia Meloni (@GiorgiaMeloni) September 17, 2023 " class="align-text-top noRightClick twitterSection" data="
Un amico impegnato a costruire il futuro ed orgoglioso della storia di una grande Nazione vicina all’Italia.
">Auguri di buon compleanno @narendramodi.
— Giorgia Meloni (@GiorgiaMeloni) September 17, 2023
Un amico impegnato a costruire il futuro ed orgoglioso della storia di una grande Nazione vicina all’Italia.Auguri di buon compleanno @narendramodi.
— Giorgia Meloni (@GiorgiaMeloni) September 17, 2023
Un amico impegnato a costruire il futuro ed orgoglioso della storia di una grande Nazione vicina all’Italia.
ଆଜି ଭାରତୀୟ ଜନତା ପାର୍ଟି ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 73ତମ ଜନ୍ମଦିନକୁ ଦେଶବ୍ୟାପୀ ପାଳନ କରାଯାଉଛି । ଦଳ ମୁଖ୍ୟାଳୟ ସମେତ ବିଭିନ୍ନ ରାଜ୍ୟ କାର୍ଯ୍ୟାଳୟରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଉଛି । ଆଜି ଜନ୍ମଦିନ ଅବସରରେ ରାଷ୍ଟ୍ରପତି ଦ୍ରୌପଦୀ ମୂର୍ମୁ ମଧ୍ୟ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି । ତିବ୍ବତୀୟ ସର୍ବୋଚ୍ଚ ଧର୍ମଗୁରୁ ଦଲାଇଲାମା ମଧ୍ୟ ଶୁଭେଚ୍ଛା ବାର୍ତ୍ତା ଜଣାଇବା ସହ ପ୍ରଧାନମନ୍ତ୍ରୀଙ୍କ ମୋଦିଙ୍କର ଦୀର୍ଘ ଜୀବନ କାମନା କରିଛନ୍ତି ।
କେବଳ ରାଜନୀତି ପୃଷ୍ଠଭୂମିରୁ ନୁହେଁ ବରଂ ବଲିଉଡ୍ରୁ ମଧ୍ୟ ମୋଦିଙ୍କୁ ଜନ୍ମଦିନର ଶୁଭେଚ୍ଛାର ସୁଅ ଛୁଟିଛି । ବିଭିନ୍ନ ଅଭିନେତା ଓ ଅଭିନେତ୍ରୀମାନେ ମଧ୍ୟ ଶୁଭେଚ୍ଛା ଜଣାଇଛନ୍ତି । ସୁପରଷ୍ଟାର ସାହାରୁଖ ଖାନ, ସଲମାନ ଖାନ, ବରିଷ୍ଠ ଅଭିନେତ୍ରୀ ହେମା ମାଳିନୀ, ସୋନୁ ସୁଦୁ, ରାଜକୁମାର ରାଓ, ଟାଇଗର ସର୍ଫ ପ୍ରମୁଖ ଟ୍ବିଟ କରି ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
୧୯୫୦ ମସିହା ସେପ୍ଟେମ୍ବର ୧୭ ତାରିଖରେ ଗୁଜୁରାଟର ଭଦନଗରରେ ଏକ ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିଲେ ନରେନ୍ଦ୍ର ମୋଦି । ୧୯୭୨ରେ ରାଷ୍ଟ୍ରୀୟ ସ୍ବଂୟସେବକ ସଂଘରେ ଯୋଗ ଦେଇଥିଲେ । ପରେ ୧୯୭୮ରେ ତାଙ୍କୁ ଭଦୋଦରାରେ ସଂଘ ପ୍ରଚାରକ ଦାୟିତ୍ବ ପ୍ରଦାନ କରାଯାଇଥିଲା । ୧୯୮୭ରେ ଭାରତୀୟ ଜନତା ପାର୍ଟିରେ ଯୋଗ ଦେଇ ସଂଘ ପରିବାରରୁ ସକ୍ରିୟ ରାଜନୀତିକୁ ଆସିଥିଲେ ମୋଦି । ମୋଦି ୨୦୦୧ ମସିହା ୭ ଅକ୍ଟୋବରରେ ଗୁଜରାଟର ମୁଖ୍ୟମନ୍ତ୍ରୀ ହୋଇଥିଲେ । ୨୦୧୪ ପର୍ଯ୍ୟନ୍ତ କ୍ରମାଗତ ମୁଖ୍ୟମନ୍ତ୍ରୀ ଭାବେ ରହିବା ପରେ ସେହିବର୍ଷ ସାଧାରଣ ନିର୍ବାଚନରେ ଜାତୀୟ ରାଜନୀତିରେ ପ୍ରବେଶ କରି ଇତିହାସ ସୃଷ୍ଟି କରିଥିଲେ । ତାଙ୍କ ନେତୃତ୍ବରେ ଭାରତୀୟ ଜନତା ପାର୍ଟି ପୂର୍ଣ୍ଣ ବହୁମତରେ ଦୁଇ ଥର ସରକାର ଗଠନ କରିବା ସହ 2 ଥର ପାଇଁ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ଆସନ ବଜାୟ ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
