ନୂଆଦିଲ୍ଲୀ: ବରିଷ୍ଠ IPS ଅଧିକାରୀ ତପନ କୁମାର ଡେକା ଇଣ୍ଟେଲିଜେନ୍ସ ବ୍ୟୁରୋ ନିର୍ଦ୍ଦେଶକ (Intelligence Bureau) ଦାୟିତ୍ବ ନେବେ । ଜୁନ୍ ୩୦ ତାରିଖରେ IPS ଅଧିକାରୀ ଅରବିନ୍ଦ କୁମାରଙ୍କ କାର୍ଯ୍ୟକାଳ ଶେଷ ହେବାପରେ ସେ ଏହି ଦାୟିତ୍ବ ନେବେ । ହିମାଚଳ ପ୍ରଦେଶ ୧୯୮୮ ମସିହା କ୍ୟାଡରର IPS ଅଧିକାରୀ ହେଉଛନ୍ତି ତପନ କୁମାର ଡେକା ।
ଏହି କ୍ରମରେ ଭାରତର RAW ମୁଖ୍ୟ ସାମନ୍ତ ଗୋୟଲଙ୍କ କାର୍ଯ୍ୟକାଳ ଏକ ବର୍ଷ ପାଇଁ ବୃଦ୍ଧି ହୋଇଛି । ସେହିଭଳି ବରିଷ୍ଠ IAS ଅଧିକାରୀ ପରମେଶ୍ବରନ ଆୟର ନୀତି ଆୟୋଗର ମୁଖ୍ୟ ନିଯୁକ୍ତ ହୋଇଛନ୍ତି । ବର୍ତ୍ତମାନ IAS ଅଧିକାରୀ ଅମିତାଭ କାନ୍ତ ଏହି ଦାୟିତ୍ବରେ ରହିଛନ୍ତି । ତେବେ ତାଙ୍କ କାର୍ଯ୍ୟକାଳ ଜୁନ୍ ୩୦ ତାରିଖରେ ଶେଷ ହେବ । ଏହାକୁ ନେଇ ସାଧାରଣ ପ୍ରଶାସନ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
