ନୂଆଦିଲ୍ଲୀ: କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀ ଦେଶରେ ଦେଖାଦେଇଥିବା ମାନ୍ଦାବସ୍ଥାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟ, ଦେଶକୁ ଶକ୍ତିଶାଳୀ କରିବା ପରିବର୍ତ୍ତେ ଦୁର୍ବଳ କରୁଥିବା ସେ କହିଛନ୍ତି ।
କଂଗ୍ରେସ ନେତା ଟ୍ବିଟ୍ କରି କହିଛନ୍ତି, ‘ଭାରତ ଇତିହାସରେ ପ୍ରଥମ ଥର ପାଇଁ ମାନ୍ଦାବସ୍ଥାରେ ପ୍ରବେଶ କରିଛି।’ ଏହାସହ ମୋଦିଙ୍କ କାର୍ଯ୍ୟ ଭାରତକୁ ଶକ୍ତିଶାଳୀରୁ ଦୁର୍ବଳ କରିଦେଇଥିବା ମଧ୍ୟ ସେ ଟ୍ବିଟ୍ କରି କହିଛନ୍ତି ।
ଏକ ଖବରକାଗଜର ରିପୋର୍ଟ ଟ୍ବିଟ୍ କରି ସେ ଏପରି ଲେଖିଛନ୍ତି । ସୂଚନାଥାଉକି, କିଛି ମାସ ହେବ କଂଗ୍ରେସ ନେତା ବିଭିନ୍ନ ପ୍ରସଙ୍ଗରେ କେନ୍ଦ୍ରର ବିଜେପି ସରକାରକୁ ଟାର୍ଗେଟ କରୁଛନ୍ତି । କୋରୋନା ଭାଇରସ ସଙ୍କଟକୁ ପରିଚାଳନା କରିବାଠୁ ଆରମ୍ଭ କରି ଦେଶର ଅର୍ଥନୀତିକୁ ନେଇ ସେ ସରକାରଙ୍କୁ ଘେରୁଛନ୍ତି । ଏହାସହ ଏହି ଘଡିସନ୍ଧି ମୁହୂର୍ତ୍ତରୁ କିପରି ଦେଶ ମୁକୁଳିବ ସେନେଇ ସରକାର କିଛି ବି ପଦକ୍ଷେପ ନେଉନଥିବା ସେ ବାରମ୍ବାର ଅଭିଯୋଗ କରିଛନ୍ତି ।
@ANI
