ନୂଆଦିଲ୍ଲୀ: ଗୃହଯୁଦ୍ଧଗ୍ରସ୍ତ ମଧ୍ୟ-ଆଫ୍ରିକୀୟ ଦେଶ ସୁଦାନରୁ ଭାରତୀୟଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଆରମ୍ଭ ହେଲା ‘ଅପରେସନ କାବେରୀ’ । ପ୍ରଥମ ପର୍ଯ୍ୟାୟରେ 5ଶହ ଭାରତୀୟଙ୍କୁ ସୁରକ୍ଷିତ ପୋର୍ଟ ସୁଦାନକୁ ଅଣାଯାଇଛି । ସେମାନଙ୍କୁ ଭାରତ ଫେରାଇ ଆଣିବାକୁ ନୌସେନା ଜାହାଜ ଓ ବାୟୁସେନା ବିମାନ ପ୍ରସ୍ତୁତ ରଖାଯାଇଥିବା ବୈଦେଶିକ ବ୍ୟପାର ମନ୍ତ୍ରୀ ଏସ.ଜୟଶଙ୍କର ସୂଚନା ଦେଇଛନ୍ତି ।
-
Operation Kaveri gets underway to bring back our citizens stranded in Sudan.
— Dr. S. Jaishankar (@DrSJaishankar) April 24, 2023 " class="align-text-top noRightClick twitterSection" data="
About 500 Indians have reached Port Sudan. More on their way.
Our ships and aircraft are set to bring them back home.
Committed to assist all our bretheren in Sudan. pic.twitter.com/8EOoDfhlbZ
">Operation Kaveri gets underway to bring back our citizens stranded in Sudan.
— Dr. S. Jaishankar (@DrSJaishankar) April 24, 2023
About 500 Indians have reached Port Sudan. More on their way.
Our ships and aircraft are set to bring them back home.
Committed to assist all our bretheren in Sudan. pic.twitter.com/8EOoDfhlbZOperation Kaveri gets underway to bring back our citizens stranded in Sudan.
— Dr. S. Jaishankar (@DrSJaishankar) April 24, 2023
About 500 Indians have reached Port Sudan. More on their way.
Our ships and aircraft are set to bring them back home.
Committed to assist all our bretheren in Sudan. pic.twitter.com/8EOoDfhlbZ
ଟ୍ବିଟରେ ଜୟଶଙ୍କର କହିଛନ୍ତି, ‘‘ଆମ ନାଗରିକଙ୍କୁ ଉଦ୍ଧାର କରିବା ପାଇଁ ‘ଅପରେସନ କାବେରୀ’ ଆରମ୍ଭ କରାଯାଇଛି । 5 ଶହ ଭାରତୀୟ ପୋର୍ଟ ସୁଦାନରେ ପହଞ୍ଚି ସାରିଛନ୍ତି । ସେମାନଙ୍କୁ ଫେରାଇ ଆଣିବା ପାଇଁ ଆମର ବାୟୁସେନା ବିମାନ ଓ ନୌସେନା ଜାହଜକୁ ପ୍ରସ୍ତୁତ ରଖାଯାଇଛି । ସେଠାରେ ଫସିଥିବା ପ୍ରତ୍ୟେକ ନାଗରିକଙ୍କୁ ଆମେ ସାହାଯ୍ୟ କରିବା ପାଇଁ ପ୍ରସ୍ତୁତ ଅଛୁ ।’’
ଭାରତୀୟ ବାୟୁସେନା ବିଶାଳ ପରିବହନ ବିମାନ C-130J ସାଉଦି ଆରବିଆ ଜେଦାହରେ ନିୟୋଜିତ ହୋଇଛି । ସେହିପରି ଲୋହିତ ସାଗରରେ ମୁତୟନ ଥିବା ଭାରତୀୟ ନୈସେନାର ଯୁଦ୍ଧ ଜାହଜ ‘ସୁମେଧା’ ପୋର୍ଟ ସୁଦାନରେ ପହଞ୍ଚିବ । ସୁଦାନର ବିଭିନ୍ନ ସ୍ଥାନରେ ଥିବା ଭାରତୀୟଙ୍କ ସମ୍ପର୍କରେ ଦୂତାବାସ ଲଗାତର ସୂଚନା ସଂଗ୍ରହ କରୁଛି । ସେମାନଙ୍କୁ ସୁଦାନ ପୋର୍ଟରେ ପହଞ୍ଚାଯିବା ପରେ ବିମାନ କିମ୍ବା ନୌସେନା ଜାହାଜରେ ଭାରତ ଅଭିମୁଖେ ଅଣାଯିବ । ଏବେ ସୁଦ୍ଧା 5ଶହ ଭାରତୀୟ ପୋର୍ଟ ସୁଦାନରେ ସୁରକ୍ଷିତ ପହଞ୍ଚି ସାରିଛନ୍ତି । ସଂଧ୍ୟା ସୁଦ୍ଧା ସେମାନେ ଭାରତ ଅଭିମୁଖେ ଯାତ୍ରା କରିବେ ।
ବର୍ତ୍ତମାନ ସୁଦ୍ଧା ବିଭିନ୍ନ ଦେଶ ସେମାନଙ୍କ ନାଗରିକଙ୍କୁ ଉଦ୍ଧାର କରିବା ପାଇଁ ଅପରେସନ ଆରମ୍ଭ କରିସାରିଛନ୍ତି । ସାଉଦି ଆରବିଆ ପ୍ରାୟ 12 ଦେଶର 150 ନାଗରିକଙ୍କୁ ଉଦ୍ଧାର କରିଛି । ଫ୍ରାନ୍ସ ମଧ୍ୟ 388 ନାଗରିକଙ୍କୁ ଉଦ୍ଧାର କରିସାରିଛି । ଏମାନଙ୍କ ମଧ୍ୟରେ ଭାରତୀୟ ନାଗରିକ ମଧ୍ୟ ଥିଲେ । ଆମେରିକା ସମେତ ଅନ୍ୟ ଦେଶମାନେ ସେମାନଙ୍କ ଦୂତାବାସ ବନ୍ଦ କରିବା ସହ କୂଟନୈତିକ ଅଧିକାରୀଙ୍କୁ ସ୍ବଦେଶ ଫେରାଇ ନେଇଛନ୍ତି ।
ସୁଦାନରେ ସେନା ଓ ଅର୍ଦ୍ଧସାମରିକ ବଳ ମଧ୍ୟରେ ଏହି ଗୃହଯୁଦ୍ଧ ଲାଗି ରହିଛି । ଏବେ ସୁଦ୍ଧା ପ୍ରାୟ 420 ଜଣଙ୍କ ମୃତ୍ୟୁ ହୋଇସାରିଥିବା ବେଳେ ପ୍ରାୟ 4 ହଜାରରୁ ଅଧିକ ଲୋକେ ଆହତ ହୋଇଛନ୍ତି । ମୃତାହତଙ୍କ ମଧ୍ୟରେ ସାମରିକ କର୍ମଚାରୀଙ୍କ ସହ ସାଧାରଣ ଜନତା ମଧ୍ୟ ରହିଛନ୍ତି । ସେନା ପ୍ରାୟ ସମସ୍ତ ସରକାରୀ ପ୍ରତିଷ୍ଠାନକୁ ନିୟନ୍ତ୍ରଣକୁ ନେଇଥିବା ବେଳେ ଅର୍ଦ୍ଧସାମରିକ ବଳ ଜବାବି ହମଲା ଜାରି ରଖିଛି । ରାଜଧାନୀ ଖାର୍ତୁମ ସମେତ ବହୁ ସହରରେ ଆକ୍ରମଣ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
