ଲକ୍ଷ୍ନୌ: ଫେସବୁକରେ ପ୍ରେମ ପରେ ଲିଭ୍ ଇନ୍ ରିଲେସନସିପରେ ରହିବା ପରେ ଗର୍ଭବତୀ ମହିଳାଙ୍କୁ ଛୁଆକୁ ମିଳିଲା ବାପାର ପରିଚୟ । ପ୍ରଥମ ସ୍ତ୍ରୀ ଥିଲେ ମଧ୍ୟ ସମ୍ପୃକ୍ତ ଯୁବକଙ୍କୁ ବିବାହ କରିଛନ୍ତି ତାଙ୍କ ଫେସବୁକ ପ୍ରେମିକା । ପାଳି କରି ସ୍ବାମୀଙ୍କ ପାଖରେ 2 ପତ୍ନୀ ରହିବେ ବୋଲି ନିଷ୍ପତ୍ତି ନେଇଛନ୍ତି ପଞ୍ଚାୟତ ।
ଏପରି ଏକ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ଲକ୍ଷ୍ନୌରେ । ରାମପୁରର ୱାନ୍ ଷ୍ଟପ୍ ସେଣ୍ଟରରେ ଦୀର୍ଘ ଦିନ ଧରି ଉତ୍ତେଜନା ପରେ ଯୁବକଙ୍କର ପ୍ରଥମ ପତ୍ନୀ ମଧ୍ୟ ସ୍ୱାମୀଙ୍କ ଦ୍ୱିତୀୟ ବିବାହରେ ସହମତ ପ୍ରକାଶ କରିଥିଲେ । ପ୍ରେମିକାଙ୍କ ସହ ବିବାହ ପରେ ମଧ୍ୟ ସ୍ୱାମୀ ପ୍ରଥମ ଏବଂ ଦ୍ୱିତୀୟ ପତ୍ନୀଙ୍କ ମଧ୍ୟରେ ବିଭକ୍ତ ହୋଇଛନ୍ତି । ଦୁଇ ପତ୍ନୀଙ୍କ ମଧ୍ୟରେ ଯେପରି ବିବାଦ ନହେବ, ସେଥିପାଇଁ ସ୍ବାମୀଙ୍କୁ ଉଭୟଙ୍କ ମଧ୍ୟରେ ବାଣ୍ଟି ଦିଆଯାଇଛି । ଏନେଇ ଏକ ପଞ୍ଚାୟତସ୍ତରୀୟ ବୈଠକ କରାଯାଇ ସପ୍ତାହର 3 ଦିନ ସୋମବାର, ମଙ୍ଗଳବାର ଏବଂ ବୁଧବାର ସ୍ବାମୀ ପ୍ରଥମ ସ୍ତ୍ରୀଙ୍କ ସହ ରହିବା ପରେ ଗୁରୁବାର, ଶୁକ୍ରବାର ଏବଂ ଶନିବାର ଦ୍ବିତୀୟ ସ୍ତ୍ରୀ ସହ ରହିବ । ଏଥିସହ ରବିବାର ସମ୍ପୃକ୍ତ ଯୁବକ ତାଙ୍କ ବାପାମାଆଙ୍କ ସେବା କରିବା ସହ ତାଙ୍କ ଭଲ ମନ୍ଦ ବୁଝିବ ବୋଲି ନିର୍ଦ୍ଦେଶ ଦେଇଛନ୍ତି ଗ୍ରାମସଭାରେ ବସିଥିବା ସଦସ୍ୟ । ବିଭାଜନ ସମୟରେ ଉଭୟ ମହିଳା ଏବଂ ଯୁବକଙ୍କ ପିତାମାତା ମଧ୍ୟ ଯତ୍ନ ନେଇଛନ୍ତି । ଯୁବକଙ୍କୁ ମଧ୍ୟ ସେମାନଙ୍କ ସହିତ ରହିବାକୁ ପଡ଼ିବ |
ସୂଚନା ଅନୁଯାୟୀ ରାମପୁରର ଆଜିମନଗର ପୋଲିସ ଷ୍ଟେସନର ଡୋନାକପୁରୀ ତାଣ୍ଡା ଗାଁର ବାସିନ୍ଦା ତକମିଲ ଅହମ୍ମଦ ଚଣ୍ଡିଗଡ଼ ବାରବାଟୀରେ କାମ କରୁଥିଲେ । ସେ ସେଠାରେ ଆସାମର ଜଣେ ଝିଅକୁ ଫେସବୁକ୍ ମାଧ୍ୟମରେ ବନ୍ଧୁତା କରିଥିଲେ । ବନ୍ଧୁତା ପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଏହାପରେ ଯୁବତୀ ଜଣକ ଆସାମରୁ ଚଣ୍ଡିଗଡ ଚାଲି ଆସିଥିଲେ । ଏହାପରେ ଉଭୟ ଲିଭ୍ ଇନ୍ ରିଲେସନସିପରେ ରହିଥିଲେ । କିଛିଦିନ ପରେ ଯୁବତୀ ଜଣକ ଗର୍ଭବତୀ ଥିବା ନେଇ ତକମିଲ ଜାଣିବାକୁ ପାଇବା ପରେ ତାଙ୍କ ନିଜ ଗାଁକୁ ଚାଲି ଆସିଥିଲେ । ଅନ୍ୟପଟେ ଯୁବତୀ ଜଣକ ତକମିଲଙ୍କର ବିବାହ ବାବଦରେ ଜାଣିନଥିଲେ । ସେ ପଚାରି ପଚାରି ତକମିଲଙ୍କ ଗାଁରେ ପହଞ୍ଚି ସମ୍ପୂର୍ଣ୍ଣ ଘଟଣା ବାବଦରେ ଜାଣିବା ପରେ ସ୍ଥାନୀୟ ଅଞ୍ଚଳରେ ଧାରଣା ଦେଇଥିଲେ । ପରେ ତକମିଲଙ୍କ ପତ୍ନୀ ସ୍ବାମୀଙ୍କ ଦ୍ବିତୀୟ ବିବାହ ପାଇଁ ରାଜି ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
