ଚେନ୍ନାଇ: ତାମିଲନାଡୁ ରାଜଧାନୀ ଚେନ୍ନାଇର ଟି ନଗର ବ୍ରାଞ୍ଚରେ ଥିବା ଏଚଡିଏଫସି ବ୍ୟାଙ୍କ(HDFC Bank)ର ମସ୍ତବଡ଼ ଭୁଲ । ଭୁଲବଶତଃ ବ୍ୟାଙ୍କ ୧୦୦ ଜଣ ଉପଭୋକ୍ତାଙ୍କ ଆକାଉଣ୍ଟରେ ୧୩ କୋଟି ଟଙ୍କା ଜମା କରିଛି । ଏହି ଟଙ୍କା ପାଇବା ପରେ ଅନେକ ଗ୍ରାହକ କ୍ରାଇମବ୍ରାଞ୍ଚ ପୋଲିସ ଓ ବ୍ୟାଙ୍କ ଫ୍ରଡ ୟୁନିଟକୁ ଘଟଣା ସମ୍ପର୍କରେ ଅବଗତ କରାଇବା ପରେ ଏ ସମ୍ପର୍କରେ ଜଣାପଡ଼ିଥିଲା । ପ୍ରାଥମିକ ଭାବେ ବ୍ୟାଙ୍କ କର୍ତ୍ତୃପକ୍ଷ ଉକ୍ତ ଗ୍ରାହକଙ୍କ ଆକାଉଣ୍ଟକୁ ଅଚଳ କରିବା ସହ ଏହି ଘଟଣାରେ ତଦନ୍ତ ଚଳାଇଛି ।
ବ୍ୟାଙ୍କ କର୍ତ୍ତୃପକ୍ଷ ପ୍ରାଥମିକ ଅବସ୍ଥାରେ ଏହି ଭୁଲର କାରଣ ଖୋଜୁଛି । ତେବେ ଏହା ବ୍ୟାଙ୍କ ସର୍ଭର ହ୍ୟାକ୍ ହେବା ଦ୍ବାରା ହୋଇଛି, କେହି ବ୍ୟାଙ୍କ ଆକାଉଣ୍ଟକୁ କରିଛି କିମ୍ବା ଏହା କୌଣସି ବ୍ୟାଙ୍କ କର୍ମଚାରୀଙ୍କ ଭୁଲ(manual mistake) ଯୋଗୁଁ ହୋଇଥାଇପାରେ ବୋଲି କର୍ତ୍ତୃପକ୍ଷ କହିଛନ୍ତି । ତେବେ ଏହି ଦିଗରେ ବ୍ୟାଙ୍କ ତଦନ୍ତ କରୁଛି । ପୋଲିସ ଏକ ସ୍ବତନ୍ତ୍ର ଟିମ ଗଠନ କରି ଏ ସମ୍ପର୍କରେ ଅଧିକ ତଦନ୍ତ ଜାରି କରିଛି । ତେବେ ମୋଟ ୧୩ କୋଟି ନୁହେଁ, ପ୍ରତିଟି ଉପଭୋକ୍ତାଙ୍କ ଆକାଉଣ୍ଟରେ ୧୩ କୋଟି ଟଙ୍କା ଜମା କରିଛି ବ୍ୟାଙ୍କ ।
