ଗାନ୍ଧୀନଗର: କଂଗ୍ରେସ ଛାଡିବାର ମାତ୍ର କିଛି ଘଣ୍ଟା ମଧ୍ୟରେ ପଦ୍ମ ଧରିଛନ୍ତି ଗୁଜୁରାଟ କଂଗ୍ରେସର ପୂର୍ବତନ ନେତା ହିମାଂଶୁ ବ୍ୟାସ । ପୂର୍ବାହ୍ନରେ ସେ ଦଳର ସାଧାରଣ ସମ୍ପାଦକ ଓ ପ୍ରଭାରୀ ଦାୟିତ୍ବ ସହ ପ୍ରାଥମିକ ସଦସ୍ୟତାରୁ ମଧ୍ୟ ଇସ୍ତଫା ଦେଇଥିଲେ (Gujarat Congress leader Himanshu Vyas joins BJP )। ସେ ତାଙ୍କ ଇସ୍ତଫାପତ୍ର କଂଗ୍ରେସ ହାଇକମାଣ୍ଡ ମଲ୍ଲିକାର୍ଜୁନ ଖଡଗେଙ୍କ ନିକଟକୁ ପଠାଇ ଦେଇଥିଲେ । ତେବେ ଇସ୍ତଫା ଦେବାର ମାତ୍ର କିଛ ସମୟ ମଧ୍ୟରେ ସେ ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି । ସେ ଇସ୍ତଫା ପରେ ଭାରତୀୟ ଜନତା ପାର୍ଟିରେ ସାମିଲ ହେବା ନେଇ ଚର୍ଚ୍ଚା ଲାଗି ରହିଥିଲା । ମାତ୍ର କିଛି ଘଣ୍ଟାରେ ତାହା ବାସ୍ତବରେ ପରିଣତ ହୋଇଛି ।
-
Gujarat | Himanshu Vyas joins BJP, hours after resigning from the Congress party's primary membership. https://t.co/fXu9a8L2GW pic.twitter.com/pSTiez1msR
— ANI (@ANI) November 5, 2022 " class="align-text-top noRightClick twitterSection" data="
">Gujarat | Himanshu Vyas joins BJP, hours after resigning from the Congress party's primary membership. https://t.co/fXu9a8L2GW pic.twitter.com/pSTiez1msR
— ANI (@ANI) November 5, 2022Gujarat | Himanshu Vyas joins BJP, hours after resigning from the Congress party's primary membership. https://t.co/fXu9a8L2GW pic.twitter.com/pSTiez1msR
— ANI (@ANI) November 5, 2022
ହିମାଂଶୁ ସୁରେନ୍ଦ୍ର ନଗର ବଡବାନ ବିଧାନସଭା ଆସନରୁ ଦୁଇ ଥର କଂଗ୍ରେସ ଟିକେଟରେ ନିର୍ବାଚନ ଲଢିଥିଲେ ସୁଦ୍ଧା ଦୁଇ ଥର ବିଜେପି ପ୍ରାର୍ଥୀଙ୍କ ଠାରୁ ପରାଜିତ ହୋଇଥିଲେ । ତେବେ ସେ ଇସ୍ତଫା ଦେବା ପରେ କଂଗ୍ରେସରେ ତାଙ୍କୁ ଉଚିତ ଗୁରୁତ୍ବ ମିଳୁନଥିବା ନେଇ ମଧ୍ୟ ମତ ରଖିଥିଲେ । ଚଳିତ ନିର୍ବଚନରେ ସେ ଭାରତୀୟ ଜନତା ପାର୍ଟି ଟିକେଟରେ ନିର୍ବାଚନ ଲଢିବେ କି ନାହିଁ ତାହା ସ୍ପଷ୍ଟ ହୋଇନାହିଁ ।
182 ଆସନ ବିଶିଷ୍ଟ ଗୁଜୁରାଟରେ ଡିସେମ୍ବର 1 ଓ 5 ତାରିଖ ଦୁଇ ପର୍ଯାୟରେ ମତଦାନ ହେବାକୁ ଯାଉଛି (Gujarat Assembly poll 2022)। ସେହିପରି 8 ତାରିଖରେ ଭୋଟ ଗଣତି ଓ ଫଳାଫଳ ପ୍ରକାଶ ପାଇବ । ରାଜ୍ୟରେ ଚଳିତ ଥର 7.13 ଲକ୍ଷ ନୂତନ ମତଦାତା ସେମାନଙ୍କ ମତାଧିକାର ସାବ୍ୟସ୍ତ କରିବାକୁ ଯାଉଛନ୍ତି । ଚଳିତ ନିର୍ବାଚନ ନେଇ ଖୁବଜୋରରେ ପ୍ରଚାର ଜାରି ରହିଛି । ଶାସନରେ ଥିବା ଭାରତୀୟ ଜନତା ପାର୍ଟି ଓ ବିରୋଧୀ କଂଗ୍ରେସ ମଧ୍ୟରେ ପାରମ୍ପାରିକ ଲଢେଇ ହୋଇ ଆସୁଥିବା ବେଳେ ଚଳିତ ଥର କେଜ୍ରିଓ୍ବାଲଙ୍କ ନେତୃତ୍ବାଧୀନ ଆମ ଆଦମୀ ପାର୍ଟି (AAP) ଏହି ଲଢେଇରେ ଏଣ୍ଟ୍ରି ମାରିଛି । ଫଳରେ ଚଳିତ ଥର ରାଜ୍ୟରେ ତ୍ରିମୁଖୀ ଲଢେଇ ଦେଖିବାକୁ ମିଳିବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
