ଚଣ୍ଡିଗଡ: ଜେଜେବାପାକୁ ଫୋନରେ ଧମକ ଦେବା ସହ କୋଟି ଟଙ୍କା ଦେବାକୁ ବାଧ୍ୟ କରିଲା ନାତି । ଏହି ଅଭିଯୋଗରେ ନାତିକୁ ବାନ୍ଧିଲା ପୋଲିସ । ଏଭଳି ଏକ ଘଟଣା ସାମ୍ନାକୁ ଆସିଛି ପଞ୍ଜାବରୁ । ଜେଜେ ବାପା ଜଣଙ୍କ ହେଲେ ରାମ ଲାଲ ଏବଂ ସେ ଜଣେ ବ୍ୟବସାୟୀ ।
ରାମ ଲାଲଙ୍କ କହିବା ଅନୁସାରେ, "ଗତ ଶୁକ୍ରବାର ଦିନ ନିଜ ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ଏକ ଅଜଣା ନମ୍ବରରୁ ରାତି ୮.୫୦ରେ ଫୋନ ଆସିଥିଲା । ଏହାପରେ ଏକ ଯୁବକ ଲାଲଙ୍କୁ ୧କୋଟି ଟଙ୍କା ଦେବାକୁ ଧମକ ଦେଇଥିଲା । ନଚେତ ଜୀବନକୁ ମାରି ଦେବାକୁ କହିଥିଲା । ଏନେଇ ମୁଁ ଶାହପୁର କାଣ୍ଡି ଥାନାରେ ଏତଲା ଦେଇଥିଲି । "
ରାମଲାଲଙ୍କ ଏତଲା ଆଧାରରେ ତଦନ୍ତ ଆରମ୍ଭ କରିଥିଲା ପୋଲିସ । ଅଭିଯୁକ୍ତର ନମ୍ବରକୁ ଟ୍ରାକ କରି କିଛି ଘଣ୍ଟା ଭିତରେ ଅଭିଯୁକ୍ତ ନିକଟରେ ପହଞ୍ଚି ପାରିଥିଲା । ତେବେ ଯୁବକଙ୍କୁ ଗିରଫ କରିବା ପରେ ସେ ରାମ ଲାଲଙ୍କ ନାତି ବୋଲି ଜଣାପଡିଥିଲା । ଏନେଇ DSP ରାଜିନ୍ଦର ମାନହସ ସୂଚନା ଦେଇଛନ୍ତି । ତେବେ ଗିରଫ ଅଭିଯୁକ୍ତ(ନାତି)ର ନାଁରେ ଆଗରୁ ଚୋରି ମାମଲା ଦାୟର ହୋଇଥିଲା ବୋଲି ଗିରଫ କରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
