କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଚର୍ଚ୍ଚାରେ ରହିଥିବା ନନ୍ଦିଗ୍ରାମ ଗସ୍ତ କରିବେ ରାଜ୍ୟପାଳ ଜଗଦୀପ ଧନଖର । ଏନେଇ ଟ୍ବିଟ କରି ସୂଚନା ଦେଇଛନ୍ତି ରାଜ୍ୟପାଳ ।
ନନ୍ଦିଗ୍ରାମରେ ପହଞ୍ଚି ଜାନକିନାଥ ମନ୍ଦିରରେ ପୂଜାର୍ଚ୍ଚନା କରିବେ ରାଜ୍ୟପାଳ । ବିଧାନସଭା ନିର୍ବାଚନ ଫଳାଫଳ ବାହାରିବା ପରେ ହିଂସା ପ୍ରଭାବିତ ଅଞ୍ଚଳ ଗସ୍ତ କରୁଛନ୍ତି ରାଜ୍ୟପାଳ ଜଗଦୀପ ଧନଖର ।
ପଶ୍ଚିମବଙ୍ଗ ବିଧାନସଭା ନିର୍ବାଚନ ପରେ ଜାରି ରହିଛି ରାଜନୈତିକ ସଂଘର୍ଷ । ଏହାରି ମଧ୍ୟରେ ଗୁରୁବାର ରାଜ୍ୟପାଳ ଜଗଦୀପ ଧନଖର ଯେତେବେଳେ ହିଂସା ପ୍ରଭାବିତ ଅଞ୍ଚଳର ଗସ୍ତରେ ବାହାରିଲେ, ସେବେ ତାଙ୍କୁ ବିରୋଧର ସାମ୍ନା କରିବାକୁ ପଡିଥିଲା । କୁଚବିହାରର ଦିନହଟାରେ ରାଜ୍ୟପାଳ ଧନଖରଙ୍କ ସାମ୍ନାରେ ଗୋ ବ୍ୟାକର ନାରା ଲାଗିବା ସହ ତାଙ୍କୁ କଳାପତାକା ଦେଖାଯାଇଥିଲା । ବିରୋଧ ପ୍ରଦର୍ଶନରେ ନାରାଜ ହୋଇଯାଇଥିଲେ ରାଜ୍ୟପାଳ ।
