ଭୁବନେଶ୍ବର:କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ପୁତ୍ରବଧୂ ତଥା ବିସିସିଆଇ ସମ୍ପାଦକ ଓ ଏସିଆନ କ୍ରିକେଟ କାଉନସିଲ ସଭାପତି ଜୟ ଶାହଙ୍କ ସ୍ତ୍ରୀ ହେଉଛନ୍ତି ଓଡିଆ ଅଭିନେତ୍ରୀ ଅନୁ ଚୌଧୁରୀ । କଥାଟା ଶୁଣି ଆପଣଙ୍କୁ ନିଶ୍ଚୟ ଆଶ୍ଚର୍ଯ୍ୟ ଲାଗୁଥିବ । ଏକଥା ଆମେ କହୁନାହୁଁ, ବରଂ ଗୁଗଲରେ ଦେଖିବାକୁ ମିଳିଛି ଏପରି ଆଶ୍ଚର୍ଯ୍ୟ ଜନକ କଥା ।
ଗୁଗଲରେ ବିସିସିଆଇ ସମ୍ପାଦକ ଜୟ ଶାହଙ୍କ ସ୍ତ୍ରୀଙ୍କ ନାଁ ସର୍ଚ୍ଚ କଲେ ଆସୁଛି ଓଡିଆ ଅଭିନେତ୍ରୀ ଅନୁ ଚୌଧୁରୀଙ୍କ ଫଟୋ । ହେଲେ ଫୋଟୋ ପାଖରେ କିନ୍ତୁ ରହିଛି ଜୟଙ୍କ ପ୍ରକୃତ ପତ୍ନୀ ରିତୀଶା ପଟେଲଙ୍କ ନାଁ, ଯାହାଙ୍କୁ 2015ରେ ବିବାହ କରିଥିଲେ ଜୟ ।
13 ଜୁଲାଇ 2014ରେ ଅମିତ ଶାହଙ୍କ ପୁଅ ଜୟ ଶାହ ଓ ତାଙ୍କ ପିଲା ଦିନର ସାଥି ରିତୀଶା ପଟେଲଙ୍କର ନିର୍ବନ୍ଧ ହୋଇଥିଲା । ତେବେ 10 ଫେବୃଆରୀ 2015ରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ ।
ରିତୀଶା ଜୟଙ୍କ ପ୍ରକୃତ ପତ୍ନୀ ହୋଇଥିବା ତାଙ୍କ ନାଁ ମଧ୍ୟ ଗୁଗଲରେ ସର୍ଚ୍ଚ କଲେ ଓଡିଆ ଅଭିନେତ୍ରୀ ଅନୁ ଚୌଧୁରୀଙ୍କ ଫଟୋ ଆସିବା ନିଶ୍ଚିତ ଭାବରେ ଆଶ୍ଚର୍ଯ୍ୟର କଥା କୁହାଯାଇପାରେ । ଅନୁ ଜଣେ ଓଡ଼ିଆ ଚଳଚ୍ଚିତ୍ର ଅଭିନେତ୍ରୀ । ଅନୁ 2019 ନିର୍ବାଚନ ପୂର୍ବରୁ ବିଜେପିରେ ସାମିଲ ହୋଇଥିଲେ । ତେବେ ଜୟ ଶାହଙ୍କ ପତ୍ନୀଙ୍କ ନାଁ ଜାଗାରେ ଅନୁ ଚୌଧୁରୀଙ୍କ ଫଟୋ ଆସିବା ଏହା ଗୁଗଲର ଏକ ତ୍ରୁଟି କୁହାଯାଇପାରେ ।
