ସୁରଟ: କୋଭିଡ ସେଣ୍ଟରରେ ଶୁଭୁଛି ଗରବା ଧୁନ । କିଛି ଯୁବ ସ୍ବେଚ୍ଛାସେବୀମାନେ କୋଭିଡ ସେଣ୍ଟରରେ ଗରବା ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଗୁଜୁରାଟ ସୁରଟର ନାନା ବରାଚା ଅଞ୍ଚଳରେ ଥିବା କ୍ବାରେଣ୍ଟାଇନ ସେଣ୍ଟରରେ ରୋଗୀଙ୍କୁ ଏକ ଅନୁକୂଳ ପରିବେଶ ଦେବା ସହ କୋରୋନା ଦ୍ବାରା ହେଉଥିବା ମାନସିକ ଚାପରୁ ମୁକ୍ତି ପାଇ କୋଭିଡ ସେଣ୍ଟରରେ ରୋଗୀଙ୍କ ମନୋରଞ୍ଜନ କରାଯାଉଛି ।
ସାରା ଦେଶରେ ବେକାବୁ ହେଲାଣି କୋରୋନା ମହାମାରୀ । ଏହାରି ଭିତରେ ପ୍ରତିଦିନ ସଂକ୍ରମିତଙ୍କ ସଂଖ୍ୟା ମଧ୍ୟ ଦ୍ରୃତଗତିରେ ବୃଦ୍ଧି ପାଇବାରେ ଲାଗିଛି । ଯାହାକୁ ଦେଖି ଗାରବା ନୃତ୍ୟ ମାଧ୍ୟମରେ ରୋଗୀଙ୍କ ସାମ୍ନାରେ ଏରୋବିକ୍ସ କରାଯାଉଛି। ରୋଗୀଙ୍କୁ ଶାରୀରିକ ଏବଂ ମାନସିକ ସ୍ତରରେ ସୁଦୃଢ କରିବା ଉଦ୍ଦେଶ୍ୟରେ ଏକ ନିଆରା ପ୍ରୟାସ କରାଯାଇଛି ।
କୋଭିଡ ଚିକିତ୍ସା ପାଇଁ ସହରର ବିଭିନ୍ନ ସ୍ଥାନରେ ଥିବା କ୍ବାରେଣ୍ଟାଇନ ସେଣ୍ଟର ପ୍ରତିଷ୍ଠା କରାଯାଇଛି । ଯେଉଁଥିରେ କିଛି ସାମାଜିକ ସଙ୍ଗଠନ ଏବଂ ଏନଜିଓର କର୍ମକର୍ତ୍ତାମାନେ ଆଗକୁ ଆସିଛନ୍ତି । 35 ଶଯ୍ୟା ବିଶିଷ୍ଟ ଅମ୍ଳଜାନ ସୁବିଧା ଥିବା ଏକ କୋଭିଡ ସେଣ୍ଟରରେ ଟ୍ରଷ୍ଟର ଯୁବ ସ୍ବଚ୍ଛାସେବୀମାନେ ରୋଗୀଙ୍କୁ ଉତ୍ସାହିତ କରିବା ପାଇଁ ଏଭଳି ଗରବା ଡ୍ୟାନ୍ସ କରୁଥିବା ଦେଖିବାକୁ ମିଳିଛି ।
ଯେଉଁ ବ୍ୟକ୍ତି କୋରୋନା ସଂକ୍ରମିତ, ସେମାନଙ୍କୁ ଅଧିକ ବିପଦରେ ଥାଏ । ପ୍ରଶାସକମାନଙ୍କ ଦ୍ବାରା ଏରୋବିକ୍ସର ଆୟୋଜନ କରାଯାଇଛି । ଏହାସହ ପ୍ରତିଦିନ ବିଭିନ୍ନ କାର୍ଯ୍ୟକ୍ରମ କରାଯାଏ । ଯେପରି ଦିନେ ହାସ୍ୟ ଅଭିନେତା, ଯୋଗ, ମାତାଜୀ କି ଆରତୀ, ପ୍ରେରଣା ବକ୍ତା, ଗରବା ସହିତ ବିଭିନ୍ନ କାର୍ଯ୍ୟକଳାପ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
