ବେଙ୍ଗାଲୁରୁ: କର୍ଣ୍ଣାଟକର ବେଲଗାଭି ଅଞ୍ଚଳରେ ଚାଞ୍ଚଲ୍ୟକର ଘଟଣା। ରେଳଧାରଣାରେ ଗୋଟିଏ ପରିବାରର ଚାରିଜଣଙ୍କ ଆତ୍ମହତ୍ୟା। ଜଣେ ଦମ୍ପତି ନିଜର ଦୁଇ ପିଲାଙ୍କ ସହ ଆତ୍ମହତ୍ୟା କରିଛନ୍ତି ।
ସୂଚନାଅନୁସାରେ, ଗତ ବୁଧବାର ରାତିରେ ବେଲଗାଭି ଅଞ୍ଚଳରେ ନିଜାମୁଦ୍ଦିନ ଏକ୍ସପ୍ରେସରେ ମୁଣ୍ଡ ରଖି ଆତ୍ମହତ୍ୟା କରିଛନ୍ତି ଗୋଟିଏ ପରିବାର । ଜଣେ ଦମ୍ପତି ତାଙ୍କ ଦୁଇ ପିଲାଙ୍କ ସହିତ ଏପରି କରିଥିବା ଜଣାପଡିଛି । ତେବେ ଏହି ଆତ୍ମହତ୍ୟା ପଛର କାରଣ ଜଣାପଡିନାହିଁ ।
ପୋଲିସ ରେଳଧାରଣାରୁ ମୃତଦେହ ଉଦ୍ଧାର କରି ରାୟବାଗ ତାଲୁକ ଡାକ୍ତରଖାନାରୁ ବ୍ୟବଚ୍ଛେଦ ପାଇଁ ପଠାଇଛି । ଘଟଣାସ୍ଥଳରେ ବେଲଗାଭ ରେଲୱେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
