ଜମ୍ମୁ କାଶ୍ମୀର: ଜମ୍ମୁ କାଶ୍ମୀରର ରଜୌରୀରେ ଭୟଙ୍କର ବିସ୍ଫୋରଣ । ଜଳିଗଲେ ବିଜେପି ନେତାଙ୍କ ପରିବାରର ୪ ଜଣ ସଦସ୍ୟ । ଘରେ ବିସ୍ଫୋରଣ ହେବାରୁ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ୩ ଆହତ ହୋଇଛନ୍ତି ।
ସୂଚନାଅନୁସାରେ, ବିଜେପି ନେତା ଜସବୀର ସିଂଙ୍କ ବାସଭବନରେ ଏହି ବିସ୍ଫୋରଣ ହୋଇଛି । ପରିବାର ଲୋକ ଏକାଠି ତାଙ୍କ ଘର ଅଗଣାରେ ବସିଥିବାବେଳେ ଏହି ବିସ୍ଫୋରଣ ହୋଇଥିଲା । ଦୁର୍ଘଟଣାରେ ଆହତ ସମସ୍ତଙ୍କୁ ରଜୌରୀ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଘଟଣା ପରେ ସେହି ସ୍ଥାନକୁ ଅଧିକାରୀମାନେ ସିଜ କରିବା ସହିତ ତଦନ୍ତ ଆରମ୍ଭ କରିଛନ୍ତି । ଗ୍ରେନେଡ ଲବି ଯୋଗୁଁ ଏହି ବିସ୍ଫୋରଣ ହୋଇଥାଇପାରେ ବୋଲି ସନ୍ଦେହ କରାଯାଉଛି ।
ପୂର୍ବରୁ ଗୁରୁବାର ଦିନ ସନ୍ଦିଗ୍ଧ ନକ୍ସଲ ମାଲପୁରା ମିର ବଜାର କାଜିଗାଣ୍ଡରେ ବିଏସଏଫ ଯବାନଙ୍କ ଉପରକୁ ଗୁଳି ଚଳାଇଥିଲେ। ସୂତ୍ର ଅନୁଯାୟୀ, ସନ୍ଦିଗ୍ଧ ଆତଙ୍କବାଦୀମାନେ ଶ୍ରୀନଗର-ଜାମ୍ମୁ ଜାତୀୟ ରାଜପଥରେ ପାଟ୍ରୋଲିଂ ଡ୍ୟୁଟିରେ ଥିବା ବିଏସଏଫଙ୍କ ଉପରକୁ ଗୁଳି ଚଳାଇଥିଲେ ।
ବ୍ୟୁରୋ ରିପୋର୍ଟ,ଇଟିଭି ଭାରତ
