ଜୟପୁର: ରାଜସ୍ଥାନ ଗସ୍ତରେ ବ୍ରିଟେନ୍ର ପୂର୍ବତନ ପ୍ରଧାନମନ୍ତ୍ରୀ ବୋରିଶ ଜନ୍ସନ୍ । ଗୁରୁବାର ସେ ରାଜସ୍ଥାନର ରାଜଧାନୀ ଜୟପୁରରେ ପହଞ୍ଚି ବିଭିନ୍ନ ସ୍ଥାନ ଭ୍ରମଣ କରିଛନ୍ତି । ଏହି ଅବସରରେ ପ୍ରସିଦ୍ଧ ଆମେର ମହଲ ଜୟଗଡ଼ ଦୁର୍ଗ, ଜଳ ମହଲ ଆଦି ବୁଲି ଦେଖିଛନ୍ତି । ଏହି ଅବସରରେ ସେଠାରେ ବୁଲୁଥିବା ଅନ୍ୟ ପର୍ଯ୍ୟଟକ ଜନ୍ସନ୍ଙ୍କ ସହ ସେଲ୍ଫି ନେଉଥିବା ଦେଖିବାକୁ ମିଳିଥିଲା ।
ଜୟପୁରରେ ପହଞ୍ଚିବା ପରେ ପ୍ରଥମେ ବିଶ୍ବ ପ୍ରସିଦ୍ଧ ଆମେର ମହଲ ବୁଲି ଦେଖିଲେ ଜନ୍ସନ୍ । ଏଠାରେ ଦିୱାନ୍-ଏ-ଆମ୍, ଦିୱାନ୍-ଏ-ଖାସ୍, ଗଣେଶ ପୋଲ୍, ଶଶି ପଲ୍, ଶିଶା ମହଲ ମାନସିଂହ ମହଲ ସମେତ ଅନ୍ୟ ସ୍ଥାନ ବୁଲି ଏହାର ଲୁପ୍ତ ଉଠାଇଥିଲେ । ଏଠାରେ ଆମେର ମହଲର ପ୍ରଶଂସା କରିଥିଲେ ବୋରିଶ ଜନ୍ସନ୍ ।
ଏହାପରେ ଜୟଗଡ଼ ଦୁର୍ଗ ବୁଲିଛନ୍ତି ବୋରିଶ ଜନସନ୍ । ଆମେର ମହଲରୁ ସୁଡ଼ଙ୍ଗ ଦେଇ ଦେଢ଼ ଘଣ୍ଟା ଚାଲିବା ପରେ ସେ ଜୟଗଡ଼ରେ ପହଞ୍ଚିଥିଲେ । ଏଠାରେ ଜୟଗଡ଼ର ପ୍ରଶାସନ ଅଧିକାରୀ ଓ କର୍ମଚାରୀ ଜନ୍ସନ୍ଙ୍କୁ ଜୟଗଡ଼ ଇତିହାସ ବିଷୟରେ କହିଥିଲେ ।
ଆମେର ମହଲ ବୁଲିବା ବେଳେ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଅତିରିକ୍ତ ଭାବରେ ସେନା ଯବାନଙ୍କୁ ଜନ୍ସନ୍ଙ୍କ ସୁରକ୍ଷା ଦାୟିତ୍ବରେ ନିୟୋଜିତ କରାଯାଇଥିଲା । ଏହି ସମସ୍ତ ସ୍ଥାନ ବୁଲିବା ପରେ ହୋଟେଲ୍କୁ ଫେରି ଯାଇଛନ୍ତି ବୋରିଶ ଜନ୍ସନ ।
