ଶୋଇଥିବା ବେଳେ ଘରେ ଲାଗିଲା ନିଆଁ, ଗୋଟିଏ ପରିବାରର ୫ ଜୀବନ୍ତ ଦଗ୍ଧ

ମାଉ ଜିଲ୍ଲାର ଶାହାପୁର ଗ୍ରାମର ଏକ ଘରେ ଲାଗିଲା ନିଆଁ । କାଳରାତ୍ରିରେ ଚାଲିଗଲା ଗୋଟିଏ ପରିବାରର ୫ ଜଣଙ୍କ ଜୀବନ । ଅଧିକ ପଢନ୍ତୁ

ଲକ୍ଷ୍ନୌ: ଉତ୍ତର ପ୍ରଦେଶରେ ଭୟାବହ ଅଗ୍ନିକାଣ୍ଡ । ଘରେ ନିଆଁ ଲାଗି ଜଳିଗଲେ ୫ଜଣ ସଦସ୍ୟ(Five Members of a Family Died After Fire Broke Out) । ଉତ୍ତରପ୍ରଦେଶର ମାଉ ଅଞ୍ଚଳରୁ ଏଭଳି ଦୁଃଖଦ ଖବର ସାମ୍ନାକୁ ଆସିଛି । ଏନେଇ ଗତକାଲି(ମଙ୍ଗଳବାର) ସୂଚନା ଦିଆଯାଇଛି ।

ଖବରଅନୁସାରେ, ମଙ୍ଗଳବାର ରାତିରେ କୌଣସି କାରଣବଶତଃଋ ହଠାତ ଘରେ ନିଆଁ ଲାଗିଯାଇଥିଲା । ସେହି ସମୟରେ ଗୋଟିଏ ପରିବାରର ୫ ଜଣ ସଦସ୍ୟ ରହିଥିଲେ । ନିଆଁର ପ୍ରକୋପ ଏତେ ମାତ୍ରାରେ ରହିଥିଲା ଯେ, କିଛି କରିବା ଆଗରୁ ସବୁ କିଛି ଛାରଖାର ହୋଇଯାଇଥିଲା ଏବଂ କେହି ବାହାରକୁ ବାହାରିପାରି ନଥିଲେ । ଫଳରେ କାଳରାତ୍ରିରେ ଲିଭି ଯାଇଥିଲା ୫ଜଣଙ୍କ ଜୀବନ ଦୀପ । ନିଆଁ ଆଁରେ ୫ଜଣ ଜୀବନ୍ତ ଦଗ୍ଧ ହୋଇଯାଇଥିଲେ । ଖବରପାଇ ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ସ୍ଥାନୀୟ ହସ୍ପିଟାଲକୁ ପଠାଇଛନ୍ତି ।

ତେବେ ଜିଲ୍ଲାପାଳ ଅରୁଣ କୁମାର କହିଛନ୍ତି(District Magistrate Arun Kumar), "ମାଉ ଜିଲ୍ଲାର ଶାହାପୁର ଗ୍ରାମର(Shahpur Village, Kopaganj PS in Mau District) ଏକ ଘରେ ନିଆଁ ଲାଗିଯାଇଥିଲା । ଗୋଟିଏ ପରିବାରର ମୃତ୍ୟୁବରଣ କରିଥିବା ମୃତକଙ୍କ ମଧ୍ୟରେ ଜଣ ମହିଳା, ଜଣ ପୁରୁଶ ଏବଂ ୩ଜଣ ନାବାଳକ ରହିଥିଲେ । ଖବରପାଇ ପୋଲିସ, ଅଗ୍ନିଶମ କର୍ମଚାରୀ ଘଟଣାସ୍ଥଳ ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଗ୍ୟାସ ଷ୍ଟୋଭରୁ ନିଆଁ ଲାଗିଯାଇଥିବା ଅନୁମାନ କରାଯାଉଛି । ପ୍ରତ୍ୟେକ ମୃତକଙ୍କୁ ୪ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରାଯିବ ।"