ଡେରାଡୁନ: ସାରା ଦେଶ ଗତକାଲି(ଶନିବାର) ଆଲୋକର ପର୍ବ ଦୀପାବଳି ମନାଉଥିବା ବେଳେ ଏକ ଆସବାବପତ୍ର ଦୋକାନରେ ଭୟାବହ ଅଗ୍ନିକାଣ୍ଡ ଘଟିଛି । ଉତ୍ତରାଖଣ୍ଡର ଉତ୍ତରକାଶି ଜିଲ୍ଲା ପିପାଲ ମାଣ୍ଡି ଅଞ୍ଚଳରେ ଥିବା ଏକ ତିନି ମହଲା କୋଠା ବିଶିଷ୍ଟ ଆସବାବପତ୍ର ଦୋକାନରେ ଏହି ଅଗ୍ନିକାଣ୍ଡ ହୋଇଛି । ଏଥିରେ ପାଖାପାଖି 8 ଲକ୍ଷ ଟଙ୍କା ମୂଲ୍ୟର ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି । ତେବେ ବାଣ ଫୁଟାରୁ ଏହି ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି ।
ସୂଚନାଯୋଗ୍ୟ, ଶନିବାର ଦୋକାନ ମାଲିକ ଉପସ୍ଥିତ ଥିବାବେଳେ ବାଣ ଯୋଗୁଁ ହଠାତ୍ ଏହି ନିଆଁ ଲାଗିଯାଇଥିଲା । ଏନେଇ ତୁରନ୍ତ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ନିଆଁକୁ ନିୟନ୍ତ୍ରଣକୁ ଆଣିବାକୁ ଘଟଣାସ୍ଥଳରେ ଫାୟାର ଟେଣ୍ଡର ନିୟୋଜିତ ହୋଇଥିଲା । ନିଆଁକୁ ଆୟତ କରାଯାଇଥିଲେ ବି ଲକ୍ଷାଧିକ ଟଙ୍କାର ଆସବାବପତ୍ର କ୍ଷୟକ୍ଷତି ଘଟିଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
