କୋଲକାତା: ପଶ୍ଚିମବଙ୍ଗର ହାଓ୍ବଡା ନିକଟରେ ଏକ ଚଳନ୍ତା ବସରେ ନିଆଁ ଲାଗିଯାଇଛି । ଆଜି(ଗୁରୁବାର) ସନ୍ଧ୍ୟା ପ୍ରାୟ 5ଟା 20 ମିନିଟ ସମୟରେ ବସରେ ନିଆଁ ଲାଗିଯାଇଥିବା ନେଇ ସୂଚନା ମିଳିଛି । ଦମକଳବାହିନୀ ନିଆଁଲିଭା କାର୍ଯ୍ୟରେ ନିୟୋଜିତ ରହିଛି ।
ହାଓ୍ବଡା ପୋଲ ଉପରେ ଅଘଟଣ: ଚଳନ୍ତା ବସରେ ଲାଗିଲା ନିଆଁ
ସୂଚନା ଅନୁଯାୟୀ ପଶ୍ଚିମବଙ୍ଗର ହାଓ୍ବଡା ପୋଲ ନିକଟରେ ଏକ ଚଳନ୍ତା ବସରେ ନିଆଁ ଲାଗିଯାଇଛି । ବସଟି ହାଓ୍ବଡାରୁ କୋଲକାତା ଅଭିମୁଖେ ଯାତ୍ରା କରୁଥିଲା । ପୋଲ ଉପରେ ଯାଉଥିବା ସମୟରେ ହଠାତ୍ ବସରେ ନିଆଁ ଲାଗିଯାଇଥିଲା । ଖବର ପାଇ 2ଟି ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁଲିଭା କାମରେ ନିୟୋଜିତ ଅଛନ୍ତି । ତେବେ ଘଟଣାରେ କୌଣସି କ୍ଷୟକ୍ଷତି ଘଟିନଥିବା ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
