ହାଇଦ୍ରାବାଦ: ରାଜୀବ ଗାନ୍ଧୀ ଆନ୍ତର୍ଜାତିକ ବିମାନବନ୍ଦରରୁ 78 କୋଟି ଟଙ୍କା ମୂଲ୍ୟର ପ୍ରାୟ 12 କିଲୋଗ୍ରାମ ହେରୋଇନ ଜବତ ହୋଇଛି । ରାଜସ୍ୱ ଗୁପ୍ତଚର ନିର୍ଦ୍ଦେଶାଳୟ ହାଇଦ୍ରାବାଦର ନିର୍ଦ୍ଦିଷ୍ଟ ଗୁପ୍ତଚର ତଥ୍ୟ ଆଧାରରେ ଚଢାଉ କରି ଏହି ନିଶାଦ୍ରବ୍ୟ ଜବତ କରିବାରେ ସଫଳ ହୋଇଛି । DRIର ଅଧିକାରୀମାନେ ଉଗାଣ୍ଡା ଏବଂ ଜାମ୍ବିଆର 2 ଜଣ ମହିଳା ଯାତ୍ରୀଙ୍କୁ ଯାଞ୍ଚ କରିବା ସମୟରେ ତାଙ୍କ କ୍ୟାବିନ ବ୍ୟାଗରୁ ବିପୁ୍ଳ ପରିମାଣର ନିଶାଦ୍ରବ୍ୟ ଜବତ କରିବାରେ ସଫଳ ହୋଇଥିବା ତଦନ୍ତକାରୀ ସଂସ୍ଥା ପକ୍ଷରୁ କୁହାଯାଇଛି ।
ଜୁନ 5 ତାରିଖ ଦିନ ନିଜର ନିଖୋଜ ବ୍ୟାଗ୍ ସଂଗ୍ରହ କରିବାକୁ ଆରଜିଏଚ୍ ବିମାନବନ୍ଦରକୁ ଆସି ପରେ ଡିଆରଆଇ ଅଧିକାରୀମାନେ ଜଣେ ଉଗାଣ୍ଡା ମହିଳା ଯାତ୍ରୀଙ୍କୁ ଅଟକାଇଥିଲେ । ଉକ୍ତ ମହିଳା ଯାତ୍ରୀ ଜଣଙ୍କ କିଛି ଦିନ ପୂର୍ବରୁ ଜୋହାନ୍ସବର୍ଗ ଏବଂ ଦୋହା ଦେଇ ଜିମ୍ବାୱେରୁ ହାଇଦ୍ରାବାଦ ଆସିଥିଲେ ।
ବ୍ୟାଗେଜ ଯାଞ୍ଚ ସମୟରେ ବ୍ୟାଗରେ 12 କେଜି ହେରୋଇନ ଜବତ ହୋଇଥିଲା । ଡ୍ରଗ୍ ଜବତ ପରେ ଦୁଇ ମହିଳା ବିଦେଶୀ ଯାତ୍ରୀଙ୍କୁ ଜାତୀୟ ଡ୍ରଗ୍ସ ନିରୋଧ ଆଇନ ( NDPS)ର ଆକ୍ଟ 1985 ଅନୁଯାୟୀ ଗିରଫ କରାଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
