ରୋଗୀଙ୍କୁ ନିଶା ଇଞ୍ଜେକ୍ସନ ଦେଇ ଦୁଷ୍କର୍ମ କଲେ ଡାକ୍ତର !

ହସ୍ପିଟାଲକୁ ଚିକିତ୍ସା ପାଇଁ ଯାଇଥିବା ବେଳେ ନିଶା ଇଞ୍ଜେକ୍ସନ ଦେଇ ରୋଗୀଙ୍କୁ ଦୁଷ୍କର୍ମ । ଅଭିଯୋଗ ପରେ ଗିରଫ କଲା ପୋଲିସ । ଅଧିକ ପଢନ୍ତୁ

ଲକ୍ଷ୍ନୌ: ଉତ୍ତର ପ୍ରଦେଶରେ ଲଜ୍ଜାଜନକ ଘଟଣା । ହସ୍ପିଟାଲକୁ ଚିକିତ୍ସା ପାଇଁ ଯାଇଥିବା ବେଳେ ରୋଗୀଙ୍କୁ ଦୁଷ୍କର୍ମ କଲେ ଡାକ୍ତର । ନିଶା ଇଞ୍ଜେକ୍ସନ ଦେଇ ରୋଗୀଙ୍କୁ ଦୁଷ୍କର୍ମ କରିବା ଅଭିଯୋଗରେ ଡାକ୍ତର ଜଣଙ୍କୁ ଗିରଫ କଲା ପୋଲିସ । ରୋଗୀ ଜଣଙ୍କୁ ଦୁଷ୍ମର୍ମ ସମୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ତାଙ୍କୁ ଗିରଫ କରିଛି । ଅଭିଯୁକ୍ତ ଜଣଙ୍କ ହେଉଛନ୍ତି ଡାକ୍ତର ଅଜମଲ । ସେ ଖାର୍ଗୁପୁର ପୋଲିସ ଷ୍ଟେସନ ଅଞ୍ଚଳରେ ଏକ କ୍ଲିନିକ ଖୋଲି ରୋଗୀଙ୍କ ଚିକିତ୍ସା କରନ୍ତି ।

ମିଳିଥିବା ସୂଚନା ଅନୁଯାୟୀ ଗତ ମଙ୍ଗଳବାର ଦିନ ପିଡିତା ଜଣଙ୍କ ଅସୁସ୍ଥ ଥିବା ହେତୁ ଡାକ୍ତର ଅଜମଲଙ୍କ କ୍ଲିନକକୁ ଚିକିତ୍ସା ପାଇଁ ଯାଇଥିଲେ, ତେବେ ଚିକିତ୍ସା ସମୟରେ ଡାକ୍ତର ପୀଡିତା ଜଣଙ୍କୁ ନିଶା ଇଞ୍ଜେକ୍ସନ ଦେଇ ଦୁଷ୍କର୍ମ କରିଥିଲେ । ଏହା ପରେ ଏ ବିଷୟରେ କାହାକୁ ନକହିବା ପାଇଁ ଧମକ ମଧ୍ୟ ଦେଇଥିଲା ଅଭିଯକ୍ତ ଜଣଙ୍କ । ତେଣୁ ପୀଡିତା ଜଣଙ୍କ ଏନେଇ କାହାକୁ କିଛି ନକହିବା ସହ ଅଭିଯୋଗ ମଧ୍ୟ କରିନଥିଲେ । କିନ୍ତୁ ସେହି ସମୟରେ କେହି ଜଣେ ବ୍ୟକ୍ତି ଏହାର ଭିଡିଓ ଉତ୍ତୋଳନ କରିଥିଲେ । ଯାହା ପରମୁହୂର୍ତ୍ତରେ ସୋସିଆଲ ମିଡିଆରେ ଭାଇରାଲ ହୋଇଥିଲା ।

ଏନେଇ ପୋଲିସ ଅଧିକ୍ଷକ ଆକାଶ ତୋମାର କହିଛନ୍ତି , ''ଦୁଷ୍କର୍ମ ସମୟରେ ଭିଡିଓ ଭାଇରାଲ ହେବା ପରେ ଅଭିଯୁକ୍ତ ଡାକ୍ତରଙ୍କ ବିରୋଧରେ ଏକ ଏତେଲା ଦାଏର କରାଯାଇଥିଲା । ଏହାପରେ ପୀଡିତାଙ୍କ ଡାକ୍ତରୀ ମାଇନା ପାଇଁ ହସ୍ପିଟାଲକୁ ପଠାଯାଇଥିବା ପୋଲିସ ଅଧିକ୍ଷକ ସୂଚନା ଦେଇଛନ୍ତି ।'' ତେବେ ଗିରଫ ପରେ ଡାକ୍ତରଙ୍କ ତରଫରୁ କିଛି ପ୍ରତିକ୍ରିୟା ମିଳି ପାରିନାହିଁ ।