ନୂଆଦିଲ୍ଲୀ: କୁଖ୍ୟାତ ଆତଙ୍କବାଦୀ ସଂଗଠନ ISIS ପାଇଁ ପାଣ୍ଠି ଯୋଗାଡରେ ସମ୍ପୃକ୍ତ ଥିବା ଅଭିଯୋଗରେ ଦିଲ୍ଲୀର ଜଣେ ଛାତ୍ରଙ୍କୁ ଗିରଫ କରିଛି ଜାତୀୟ ତଦନ୍ତକାରୀ ସଂସ୍ଥା NIA । ଗିରଫ ଛାତ୍ରଙ୍କ ନାମ ମୋସିନ ମହମ୍ମଦ ଓ ସେ ଜାମିଆ ମିଲିଆ ଇସଲାମିଆ ବିଶ୍ବବିଦ୍ୟାଳୟର ଜଣେ ପ୍ରଥମ ବର୍ଷ ଇଞ୍ଜିନିୟରିଂ ଛାତ୍ର ବୋଲି ସ୍ପଷ୍ଟ କରିଛି ତଦନ୍ତକାରୀ ସଂସ୍ଥା । ଅଭିଯୁକ୍ତ ଛାତ୍ରଜଣଙ୍କ ଆତଙ୍କୀ ସଂଗଠନ ପାଇଁ ପାଣ୍ଠି ଯୋଗାଡରେ ଲାଗିଥିବା ଜଣାପଡିବା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ସଂସ୍ଥା ।
-
NIA Conducts Search and Arrests One Accused in the Activities of ISIS module case (RC-26/2022/NIA/DLI) pic.twitter.com/MGphfbMqTa
— NIA India (@NIA_India) August 7, 2022 " class="align-text-top noRightClick twitterSection" data="
">NIA Conducts Search and Arrests One Accused in the Activities of ISIS module case (RC-26/2022/NIA/DLI) pic.twitter.com/MGphfbMqTa
— NIA India (@NIA_India) August 7, 2022NIA Conducts Search and Arrests One Accused in the Activities of ISIS module case (RC-26/2022/NIA/DLI) pic.twitter.com/MGphfbMqTa
— NIA India (@NIA_India) August 7, 2022
ଗିରଫ ଛାତ୍ର ମୋସିନ୍ ମହମ୍ମଦ, କୁଖ୍ୟାତ ଆତଙ୍କବାଦୀ ସଂଗଠନ ISIS ପାଇଁ ଅର୍ଥ ସଂଗ୍ରହ କରିଥିବା ବେଳେ କ୍ରିପ୍ଟୋକରନ୍ସି ବ୍ୟବହାର କରି ବିଭିନ୍ନ ଦେଶରୁ ଆତଙ୍କବାଦୀ ସଂଗଠନ ସଞ୍ଚାଳିତ ହେଉଥିବା ସିରିଆକୁ ପଠାଇଥିବା NIA କହିଛି । ତେବେ ଏପରି ଅଭିଯୋଗକୁ ସମ୍ପୂର୍ଣ୍ଣ ଖଣ୍ଡନ କରିଛନ୍ତି ଗିରଫ ଛାତ୍ରଙ୍କ ପରିବାର । ସେପରି କରି ନଥିବା ଦାବି କରିବା ସହ ତଦନ୍ତକାରୀ ସଂସ୍ଥା ତାଙ୍କୁ ମିଥ୍ୟାରେ ଫସାଇବାକୁ ଚେଷ୍ଟା କରୁଥିବା ଗିରଫ ଛାତ୍ରଙ୍କ ପରିବାର ପାଲଟା ଅଭିଯୋଗ କରିଛନ୍ତି । ତଦନ୍ତକାରୀ ସଂସ୍ଥାର ଏପରି ବେଆଇନ କାର୍ଯ୍ୟାନୁଷ୍ଠାନକୁ ସେମାନେ କୋର୍ଟରେ ଚ୍ୟାଲେଞ୍ଜ କରିବା ନେଇ ମଧ୍ୟ ସୂଚନା ଦେଇଛନ୍ତି ପରିବାର ସଦସ୍ୟ ।
ତେବେ ଗତକାଲି (ଶନିବାର) କୌଣସି ସୂତ୍ରରୁ ଏନେଇ ସୂଚନା ପାଇବା ପରେ ତାଙ୍କୁ NIA ଟିମ ଦିଲ୍ଲୀର ବଟଲା ହାଉସ ଏରିଆରୁ ଗିରଫ କରିଥିଲା । ଆତଙ୍କବାଦୀ ସଂଗଠନ ଆଇଏସଆଇଏସ ପାଇଁ ଅନଲାଇନ ଓ ଗ୍ରାଉଣ୍ଡ ମୋଡରେ ପାଣ୍ଠି ସଂଗ୍ରହ ଜାରି ରହିଥିବା ନେଇ ଗୁଇନ୍ଦା ସୂଚନା ମିଳିବା ପରେ ତଦନ୍ତକାରୀ ସଂସ୍ଥାର ଏକ ଟିମ ଉକ୍ତ ଅଞ୍ଚଳରେ ଚଢାଉ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
