ନୂଆଦିଲ୍ଲୀ: ଦିନକୁ ଦିନ ବିଗୁଡୁଛି ଦିଲ୍ଲୀର ବାୟୁ ପ୍ରଦୂଷଣ । ଦିଲ୍ଲୀ ଏନସିଆରରେ ଗୁରୁବାର ବାୟୁ ପ୍ରଦୂଷଣର ସ୍ତର 300 ରହିଛି । ସକାଳ 8 ଟାରେ ଦିଲ୍ଲୀ ଏୟାର କ୍ବାଲିଟି ଇଣ୍ଡେକ୍ସରେ 312 ପଏଣ୍ଟ ରହିଛି । ଯାହାକି ଅତ୍ୟନ୍ତ ଗମ୍ଭୀର ସ୍ଥିତିରେ ଗତି କରୁଛି । ଏହାସହ ଦିଲ୍ଲୀର ସର୍ବାଧିକ ପ୍ରଦୂଷିତ ଅଞ୍ଚଳମାନଙ୍କ ମଧ୍ୟ ଚାନ୍ଦିନୀଚୌକ ଏବଂ ଆଇଟିଓ ବୋଲି ଜଣାପଡିଛି । ଏଠାରେ ବାୟୁର ଗୁଣବତ୍ତା ଯତାକ୍ରମେ 372 ଏବଂ 412 ପଏଣ୍ଟ ରହିଛି । ଯାହା ଚିନ୍ତାର ବିଷୟ ପାଲଟିଛି ।
ଆଗକୁ ଆହୁରି ପ୍ରଦୂଷଣର ମାତ୍ରା ବଢିବାର ଆଶଙ୍କା ରହିଛି । ଦିଲ୍ଲୀ ଏନସିଆରରେ ପ୍ରଦୂଷଣର ସ୍ତର ବୃଦ୍ଧି ପାଉଥିବା ଦେଖି ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀ କହିଛନ୍ତି ଯେ ଆସନ୍ତା କିଛି ଦିନ ମଧ୍ୟରେ ହାଲୁକା ଧରଣର ବର୍ଷା ହେଲେ ବାୟୁ ପ୍ରଦୂଷଣ କମିବାରେ ସମ୍ଭାବନା ରହିଛି ।
ଶୀତରୁ ବଞ୍ଚିବା ପାଇଁ ବହୁ ସଂଖ୍ୟକ ଲୋକେ ମଧ୍ୟ ସକାଳୁ ନିଆଁ ପୁଉଁଛନ୍ତି । ଏହି କାରଣରୁ ନିର୍ଗତ ଧୂଆଁରୁ ପ୍ରଦୂଷଣର ମାତ୍ରା ମଧ୍ୟ ବଢୁଛି । ଆଜିକାଲି ରାଜଧାନୀ ଦିଲ୍ଲୀରେ ପବନର ବେଗ ମଧ୍ୟ ସ୍ୱାଭାବିକଠାରୁ କମ୍ ରହିଛି । ଯାହାର ସ୍ପଷ୍ଟ ପ୍ରଭାବ ପ୍ରଦୂଷଣର ସ୍ତର ଉପରେ ପ୍ରଭାବିତ ପକାଉଛି ।
ବିଭିନ୍ନ ସ୍ଥାନରେ ବାୟୁପ୍ରଦୂଷଣର ସ୍ଥିତି-
| ଡିଟିୟୁ | 348 |
| ଆଇଟିଓ | 412 |
| ଜହାଙ୍ଗୀରପୁର | 369 |
| ଲୋଧି ରୋଡ | 256 |
| ମନ୍ଦିର ମାର୍ଗ | 298 |
| ମୁଣ୍ଡକା | 342 |
| ଦ୍ବାରକା | 362 |
| ନଜଫଗଡ଼ | 204 |
| ନରେଲା | 304 |
| ରୋହିଣୀ | 309 |
