ଲକ୍ଷ୍ନୌ: ମାଆର ଜୀବନ ବଞ୍ଚାଇଲା ଝିଅ । ଅକ୍ସିଜେନ ଅଭାବରୁ ମାଆର ନିଶ୍ବାସ ନେବାରେ କଷ୍ଟ ହୋଇଥିଲା । ମାଆର ଜୀବନ ବଞ୍ଚାଇବାକୁ ଝିଅ ପାଟି ଦ୍ବାରା ମାଆକୁ ଅକ୍ସିଜେନ ଦେଇଥିଲେ । ଯାହାର ଭିଡଓ ଭାଇରାଲ ହୋଇଛି ।
ମା'ର ଜୀବନ ବଞ୍ଚାଇଲା ଝିଅ
ଶନିବାର ଉତ୍ତରପ୍ରଦେଶରେ ବହରାଇଚ ଜଣେ ରୋଗୀଙ୍କୁ ତାଙ୍କ ପରିବାର ଲୋକ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ମହିଳାଜଣଙ୍କୁ ଅକ୍ସିଜେନ ନ ମିଳିବାରୁ ତାଙ୍କ ଝିଅ ତାଙ୍କ ଜୀବନ ବଞ୍ଚାଇବାକୁ ପାଟି ଦ୍ବାରା ଅକ୍ସିଜେନ ଦେଇଥିଲେ । ଏହି ସମୟରେ କେହି ଜଣେ ଏହି ଘଟଣାର ଭିଡିଓ କରି ନେଇଥିଲେ । ଯାହା ଭାଇରାଲ ହେବାରେ ଲାଗିଛି ।
ଭିଡିଓ ଭାଇରାଲ ହେବା ପରେ ଡାକ୍ତରଖାନାରେ ହଇଚଇ ସୃଷ୍ଟି ହୋଇଥିଲା । ଡାକ୍ତରଖାନାରେ ଅକ୍ସିଜେନ ନ ମିଳିବାରୁ ଡାକ୍ତରଖାନା ପରିସରରେ ଉତ୍ତେଜନା ସୃଷ୍ଟି ହୋଇଥିଲା । ବର୍ତ୍ତମାନ ମହିଳାଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି । ଅନ୍ୟ ଏକ ଡାକ୍ତରଖାନରେ ତାଙ୍କ ଚିକିତ୍ସା ଚାଲିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
